មន្ត្រីជំនាញ ខ័ណ្ឌរដ្ឋបាលព្រៃឈើ ដឹកនាំកម្លាំងចំរុះ បង្ក្រាបរថយន្ត ដឹកឈើគ្រញូង ខុសច្បាប់

ខេត្តឧត្តរមានជយ័៖ មន្ត្រីជំនាញខ័ណ្ឌរដ្ឋបាលព្រៃឈើ ដឹកនាំកម្លាំងចំរុះចុះ បង្ក្រាបរថយន្តដឹកឈើគ្រញូងខុសច្បាប់ នៅចំណុចភូមិដងទុង សង្កាត់កូនក្រៀល ក្រុងសំរោង ខេត្តឧត្តរមានជ័យ
លោក ឯម មុន្នី នាយរង អធិការដ្ឋានរដ្ឋបាលព្រៃឈើ ខាងជើងបឹងទន្លេសាប បានដឹកនាំកម្លាំងចំរុះ ឃាត់រថយន្តដឹកឈើគ្រញូង កាលពីវេលាម៉ោង3រសៀល នាថ្ងៃទី09 ខែកញ្ញា ឆ្នាំ2015 ។ បន្ទាប់ពីរឹបអូសបាន រថយន្តនឹងឈើគ្រញូង បានធ្វើកំណត់ហេតុ យកទៅរក្សារទុក នៅខ័ណ្ឌរដ្ឋបាលព្រៃឈើខេត្ត ។

ដោយឡែក ម្ចាស់ឈើនឹងតៃកុងរថយន្ត ដោយដឹងថាមាន កម្លាំងចំរុះចុះ មកបង្រ្កាប ក៍បានបឹទសាប៊ូគូទ រត់គេចខ្លួនបាត់ស្រមោល ។ បន្ទាប់ពីរឹបអូសវត្ថុតាងបាន សមត្ថកិច្ច កំពុងស្រាវជ្រាវ រកអត្តសញ្ញាណឈ្មួញម្ចាស់ឈើគ្រញូងខាងលើ ជាបន្តតែគេគ្មានសង្ឃឹមថា អាចវែកមុខជនល្មើសបានឡើយ ព្រោះរាល់លើកឲ្យតែរត់រួច គឺរួចខ្លួនតែម្រ៉ង ៕
ដោយៈមា ឌួង/សាត ស៊ីន