អន្តរជាតិ ៖ គណៈកម្មាធិការការពារអ្នកកាសែត បានរាយការណ៍ថា អ្នកកាសែតជាង ២០នាក់ បានក្លាយជាជនរងគ្រោះនៃជម្លោះហាម៉ាស់ ប៉ាឡេស្ទីន និងអ៊ីស្រាអែល។
គណៈកម្មាធិការ បានជូនដំណឹងថា គិតត្រឹមថ្ងៃទី ២០ ខែតុលា អ្នកកាសែតយ៉ាងហោចណាស់ ២២ នាក់ស្ថិតក្នុងចំណោមអ្នកស្លាប់ជាង ៤.០០០ នាក់ ខណជាតួលេខសរុបរវាងភាគីទាំងពីរ។
ស្ថាប័ននេះ ក៏បានកត់សម្គាល់ថា អ្នកសារព័ត៌មាននៅហ្គាហ្សាប្រឈមមុខនឹងហានិភ័យខ្ពស់នៅពេលប្រឈមមុខនឹងការវាយលុកលើដីដោយកងទ័ពអ៊ីស្រាអែល។
គួរបញ្ជាក់ថា អ្នកកាសែត ២២ នាក់ ស្លាប់ ដោយរួមមានជនជាតិប៉ាឡេស្ទីន ១៨ នាក់ អ៊ីស្រាអែល ៣ នាក់ និង លីបង់ ១ នាក់។
ខណអ្នកកាសែត ៨ នាក់ ត្រូវបានរាយការណ៍ថារងរបួស ហើយអ្នកកាសែត ៣ នាក់ ត្រូវបានចាប់ជាចំណាប់ខ្មាំង៕