កំពង់ចាម: តាមសេចក្តីរាយការណ៏ បានអោយដឹងថា ទីតាំងស្តុកឈើក្រញូ
ង ដ៏ធំ១កន្លែង ស្ថិតនៅក្នុងភូមិបុសថ្លាន់ ឃុំស្វាយទាប ស្រុកចំការលើ ខេត្តកំពងចាម ដែលមានម្ចាស់ឈ្មោះម៉ាំងជា. មុខងាជា មន្ត្រីអាវុធហត្ថលើផ្ទៃប្រទេស និងជាប្អូនថ្លៃ របស់លោកឧកញ៉ាលីឈុនអ៊ូ .ត្រូវបានកម្លាំងសមត្ថកិច្ចចម្រុះ ដឹកនាំដោយលោករៀលសុភិន ព្រះរាជអាជ្ញាអមសាលាដំបូងខេត្តកំពង់ចាម ចុះបង្ក្រាបនិងរឹបអូស ជាវត្ថុតាង កាលពីវេលាម៉ោង៤ល្ងាច ថ្ងៃទី៨កញ្ញា២០១៥។
ប្រតិបត្តិការណ៍នេះ សមត្ថកិច្ចរឹបអូសបាន ឈើក្រញូង ប្រមាណជា៣ទៅ៤តោន និងរថយន្តចំនួន៣គ្រឿង រួមមានបាឡែន១គ្រឿង.កាមរីឆ្លាម១គ្រឿងនិ ងរថយន្តម៉ាកហ៊ីយ៉ាន់ដាយ មានទ្រុងចំណុះ៤,៥តោន .ចំណែកម្ចាស់ទីតាំងមួយនេះ មិនត្រូវសមត្ថកិច្ចឃាត់ខ្លួនបានឡើយ។ នៅវេលាម៉ោង៨យប់ថ្ងៃដដែល វត្ថុតាងឈើក្រញូង និងរថយន្តជាមធ្យោបាយដឹកជញ្ជូនបទល្មើស ត្រូវបានបញ្ជូន ទៅខណ្ឌរដ្ឋបាលព្រៃឈើ ខេត្តកំពង់ចាម ដើម្បីធ្វើការវាស់វែងនៅ ព្រឹកថ្ងៃទី៩កញ្ញានេះ នឹងកសាងសំណុំរឿង តាមនិតិវិធី។ តាមប្រភពបានឲ្យដឹងថា .ម្ចាស់ទីតាំងរកស៊ីជំនួញ ឈើក្រញូងដែលមានខ្សែស្រឡាយ និងអាងខ្នង ឧកញ៉ាលីឈុនអ៊ូរនេះ មានឃ្លាំងឈើក្រញូងយ៉ាងតិច៣កន្លែង ទី១នៅភូមិបុសថ្លាន់ ទី២នៅភូមិត្រើង .និងទី៣នៅភូមិថ្នល់បែក ស្រុកចំការលើ ខេត្តកំពង់ចាម។ ក្នុងនោះក៏មាន មេឈ្មួញម្នាក់ទៀត ឈ្មោះម៉េនឡាយជា កូនចៅឧកញ៉ាលីឈុនអ៊ូ ដែលធ្លាប់បញ្ជាឲ្យ អ្នកបើកបររថយន្តដឹកឈើក្រញូង បុករថយន្តសមត្ថកិច្ច កាលពីដើមឆ្នាំ២០១៥ រហូតមកដល់ពេលនេះ មិនទាន់មានចំណាត់ការ នៅឡើយ។
សូមបញ្ជាក់ផងដែរថា .ឃ្លាំងស្តុកឈើក្រញូងដុះស្លែ ១កន្លែងនេះគឺ គេបាននាំឈើក្រញូង មកពីខេត្តឧត្តរមានជ័យ និងខេត្តព្រះវិហារ ហើយផ្ទេរ ពីរថយន្តតូច ទៅរថយន្តធំ ដើម្បីយកទៅលក់ ឲ្យឈ្មួញវៀតណាម តាមច្រកទ្វេភាគីដារឬដូង៧ដើម ដែលធ្វើឲ្យសមត្ថកិច្ចគយ នៅតំបន់នោះ រីកមុខរីកមាត់មែនទែន៕
