ក្របីស៊ីស្រូវ បងមិនហ៊ានដេញ ក្របីដើចេញ បងដេញឲ្យស្រីមើល​ រថយន្តក្រឡាប់ ធ្លាយសុទ្ធតែឈើ ទើបមេព្រៃចាប់

ក្រចេះ៖ នៅរំលងអាធ្រាត ឈានចូលថ្ងៃទី០៥ ខែកញ្ញា ឆ្នាំ២០១៥មាន រថយន្ដយីឌុបមួយគ្រឿង ដឹកឈើប្រណិត ប្រភេទធ្នង់រាប់ពាន់កំណាត់ គឹតប្រមាណរាប់សឹបម៉ៃត្រគូប ក្រឡាប់ផ្ងារពោះ ចេញឈើពាសពេញផ្លូវ ជាតិលេខ៧ ត្រង់ចំណុចភូមិស្នួល ឃុំស្នួល ស្រុកស្នួល ខេត្តក្រចេះ បណ្តាលអោយភ្ញាក់ផ្អើលដល់ប្រជាពលរដ្ឋ។

សាក្សីដែលបានឃើញហេតុការណ៍ផ្ទាល់ភ្នែក បានបញ្ជាក់ថា រថយន្ដយីឌុបនោះ ដឹកឈើពេញប្រៀប ក្រោយក្រឡាប់ចេញឈើ បានទៅប៉ះនឹង តូបលក់ចាប់ហួយ របស់ប្រជាពលរដ្ឋ បណ្តាលឲ្យខូចខាត អស់មួយចំនួន នាំឲ្យប្រជាពលរដ្ឋផ្អើលនៅក្នុងភូមិ ក៏បាននាំគ្នាប្រមូលឈើទាំងនោះ យកទៅទុកអស់មួយចំនួនធំ រហូតដល់សមត្ថកិច្ចមកដល់ ទើបហាមឃាត់ មិនឲ្យប្រជាពលរដ្ឋ យកឈើបន្តទៀត។

លោក ឡាយ ធុច នាយសង្កាត់រដ្ឋបាលព្រៃឈើស្នួល បានឲ្យដឹងថា ឈើទាំងនោះ ជាឈើប្រណិតប្រភេទធ្នង់ ហើយលោកបានឲ្យកំលាំងរបស់លោក នាំយកមករក្សាទុក នៅសង្កាត់រដ្ឋបាលមួយចំនួន និងមួយចំនួនទៀត យកមករក្សាទុក នៅសួនអាពាហ៍ពិពាហ៍ ផ្នែករដ្ឋបាលព្រៃឈើស្នួល តែមិនទាន់ដឹងតួលេខពិតប្រាកដនៅឡើយទេ។ រីឯរថយន្ដប្រគល់ ឲ្យនគរបាលចរាចរណ៍ យកទៅរក្សាទុកនៅអធិការដ្ឋាន នគរបាលស្រុកស្នួល។

សូមបញ្ជាក់ផងដែរថា នេះហើយ ក្រុមឈ្មួញរកស៊ី ឈើខុសច្បាប់ ហើយនេះសរបញ្ជាក់ផងដែរ រដ្ឋបាលព្រៃឈើអន់មៃនទៃន ទាល់តែរថយន្តក្រឡាប់ ខ្ជាក់ឈើអញ្ចឹង ទើបបានដឹងថាជា រថយន្តដឹកឈើ នេះហើយ ជាមន្រ្តីជំនាញ ដែលធ្វើការបំរើជាតិពិតជាខ្លាំងមែន!!បើរដ្ឋាភិបាលថ្នាក់លើ ទុកមនុស្ស បែបនេះ ឲ្យធ្វើការគ្រប់គ្រងព្រៃឈើបន្តទៀត ប្រាកដជាយ៉ាប់ ហើយមិនដឹងជាប៉ុន្មានពាន់រថយន្តដឹកឈើរបៀបនេះ ចេញដោយរលូនដែលមេព្រៃធ្វើមិនដឹងនោះក្របីស៊ីស្រូវ បងមិនហ៊ានដេញ ក្របីដើចេញ បងដេញឲ្យស្រីមើល​។

មន្រ្តីរាជរដ្ឋាភិបាល កំពូលៗខំប្រឹងធ្វើការ តែបើមន្ត្រីថ្នាក់ក្រោម ធ្វើតែបែបនេះ ប្រាកដជាបងប្អូនប្រជាពលរដ្ឋ អស់ជំនឿទៅលើរដ្ឋាភិបាលហើយ។
គេពុំដឹងថា ម្ចាស់ឈើជានណារនោះឡើយ​ តៃប្រភពសង្ស័យថាជា របស់ឩកញ៉ាម្នាក់ដៃលល្បីឈ្មោះ រកស៊ីនឹងកាងឈើខុសច្បាប់ នៅខេត្តក្រចេះ ហើយកំពុងរត់ការ បិទមាត់អ្នកកាសែតនៅភ្នំពេញ៕