ខេត្តសៀមរាប៖ កាលពីរសៀលថ្ងៃទី០២ ខែកញ្ញា ឆ្នាំ២០១៥ ក្នុងខណៈពេលដែលភ្នាក់ងារសារព័ត៌មាន បានចុះទៅថតផ្តឹត យករូបភាព នៅរមណីយដ្ឋានប្រាសាទអង្គរវត្ត ដែលជាដួងព្រលឹងជាតិខ្មែរ ជាមួយគណៈប្រតិភូ នៃសាធារណរដ្ឋ ប្រជាមានិតចិន ត្រូវបានក្រុមឆ្មាំយាមប្រាសាទ បានធ្វើការរារាំង សួរនាំនូវលិខិតអនុញ្ញាត ពីអ្នកសារព័ត៌មាន ប៉ុន្តែអ្នកព័ត៌មានបានឆ្លើយទៅតាមសំនួរ រាល់ការសួរនាំរបស់ពួកគេផងដែរ ។
សកម្មភាពទាំងនេះ អ្នកសារព័ត៌មានបានជួបប្រទះស្ទើរគ្រប់ៗគ្នា ចំពោះជនមានបំណងអាក្រក់វិញ ឆ្មាំយាម
ប្រាសាទមិនយកភ្នែកមើល តែអ្នកព័ត៌មាន មិនចង្អៀតចង្អល់ នូវទង្វើររបស់ឆ្មាំប្រាសាទប្រុសស្រីនោះឡើយ ។ តាមការលើកឡើង របស់អាជ្ញាធរជាតិអប្សរា ក្នុងពេលកន្លងមក បានដាក់កម្លាំងឆ្មាំយាមប្រាសាទ ជាច្រើននៅតាម បណ្តាប្រាសាទនៅក្នុងតំបន់អង្គរ ក្នុងការយាមឃ្លាំមើល ចំពោះជនខិលខូច ជាភ្ញៀវទេសចរណ៍ជាតិ អន្តរជាតិ ដែលតែងលួចថតសកម្មអាក្រាត នៅតាមប្រាសាទ ក្នុងការបន្ទាបបន្ថោកពីវប្បធម៌ជាតិ ដែលជាភារកិច្ចរបស់ អស់លោក លោកស្រីជាឆ្មាំយាមប្រាសាទទាំងនោះ ។
តែគួឲ្យសង្វែក ចំពោះប្រាសាទអង្គរ ដែលជាដួងព្រលឹងជាតិខ្មែរ ត្រូវបានគេកំពុងមាក់ងាយយ៉ាងខ្លាំង ដែលជា ទង្វើររបស់មគ្គុទេសក៍ទេសចរណ៍មួយចំនួន បានឲ្យអ្នកថតរូប នៅក្នុងតំបន់អង្គរមួយចំនួន បាននាំភ្ញៀវទៅថត នៅមាត់ស្រះខាងជើង ដោយធ្វើកាយវិការ យកម្រាមដៃចាប់នៅលើ កំពូលប្រាសាទ ហើយកន្លងមក ក៏មានមួយចំនួនកែ ច្នៃជារូបភាព ផ្សេងៗផងដែរ ។ ទង្វើដែលមគ្គុទេសក៏ទេសចរណ៍ និង ជាងថតរូបមួយចំនួន បានកំពុងធ្វើនេះ ពួកឆ្មាំយាមប្រាសាទទាំងនោះ មិនបានយកភ្នែកមើល ហើយមិន បារម្មណ៍ពីភារកិច្ចរបស់ខ្លួនត្រូវធ្វើអ្វីខ្លះនោះទេ ឬមួយក៏ឆ្មាំយាមប្រាសាទ ឈរជើងចាំហាម ឃាត់ អ្នកសារព័ត៌មានក្នុងក្របខណ្ឌរបស់រដ្ឋ បម្រើរាជរដ្ឋាភិបាលនោះ ។ ឫក៍អ្នកព័ត៌មាន មិនបានផ្តល់នូវផលប្រយោជន៍ដល់អ្នកទាំងនេះ មិនតែប៉ុណ្ណោះ ពួកឆ្មាំតាមថតរូបភាព អ្នកសារព័ត៌មានទៀតផង ឬមួយខ្លាចអ្នកសារព័ត៌មានយើង ទៅបំបែកឆ្នាំងបាយរបស់ពួកគេ កំពុងទទួលនូវ លាភសក្ការៈ នោះគ្រាន់តែថតយកព័ត៌មាន ដើម្បីផ្សព្វផ្សាយសោះ បែជាពួកយើងខុសទៅវិញ ។
ក្នុងនាមអ្នកសារព័ត៌មាន សុំសំណូមពរផងដែរ ចំពោះឯកឧត្តមអគ្គនាយកអាជ្ញាធរជាតិអប្សរា ដែលទើបបាន ចូលកាន់តំណែងនៅពេលថ្មីៗនេះ សូមជួយមើល នូវរាល់ទង្វើររបស់ក្រុមឆ្មាំយាមប្រាសាទ នៅតាមប្រាសាទក្នុង តំបន់ អង្គរផង តើអ្នកសារព័ត៌មានយើង ផ្តិតយកព័ត៌មាន នៅក្នុងតំបន់អង្គរ ដើម្បីយកបម្រើផលប្រយោជន៍ របស់បុគ្គល ឬ ក៏ដើមី្បសេដ្ឋកិច្ចជាតិ ឬ ក៏វិទ្ធង្សនាដល់សង្គមជាតិ ។
ក្នុងនាមអ្នកសារព័ត៌មានទាំងអស់ សំណូមពរដល់ អគ្គនាយកអាជ្ញាធរជាតិអប្សរា ក៍ដូចជា មន្ទីរទេសចរណ៍ មន្ទីរវប្បធម៌ និង វិចិត្រសិល្បះខេត្ត និង កម្លាំងសមត្ថកិច្ចប្រចាំតំបន់អង្គរ សូមធ្វើការពិនិត្យ នូវរាល់ទង្វើរដែលតែង កើតមានឡើងនៅ ក្នុង តំបន់អង្គរ ដើមី្បធ្វើការលុបបំបាត់ នូវបញ្ហាមួយចំនួនកន្លងមក ដែលធ្វើឲ្យប៉ះពាល់ ដល់ វប្បធម៌ជាតិ ពីសំណាក់ជនមួយក្តាប់តូច ដែលគិតពី ផលប្រយោជន៍ផ្ទាល់ខ្លួននោះ ៕
ទទួលពីមន្ទីរព័ត៌មាន តាមអភិបាលខេត្តសៀមរាប សម្រួលដោយប៊ុនធឿន ( សៀមរាប )
