កីឡា ៖ ការប្រកួតព្រឹត្តិការណ៍កីឡាស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះកាន់តែខិតជិតមកដល់ ពោលគឺនៅសល់១៥ថ្ងៃទៀតប៉ុណ្ណោះ ខណៈព្រឹត្តិការណ៍ជាប្រវត្តិសាស្ត្រនេះនិងចាប់ផ្ដើមជាផ្លូវកាលនៅថ្ងៃទី៥-១៧ ខែឧសភាឆ្នាំ២០២៣ នាពហុកីឡដ្ថានជាតិមរតកតេជោ ដោយក្នុងនោះកម្ពុជាបានធ្វើរឿងដ៏អស្ចារ្យ៣ ដែលមិនធ្លាប់មានពីមុនមកទេក្នុងប្រវត្តិសាស្ត្រស៊ីហ្គេម។
រឿងដ៏អស្ចារ្យចំនួន៣ ដែលកម្ពុជា បានធ្វើក្នុងប្រវត្តិសាស្ត្រនៅព្រឹត្តិការណ៍ស៊ីហ្គេមនិងអាស៊ានប៉ារ៉ាហ្គេម រួមមាន៖ ១- មិនតម្រូវអោយបង់ប្រាក់សម្រាប់ការស្នាក់នៅ ម្ហូបអាហារ និងការធ្វើដំណើរ។ ២- មិនលក់សិទ្ធក្នុងការផ្សព្វផ្សាយ ទាំងការផ្សាយផ្ទាល់ និងផ្សាយបន្តផ្ទាល់ ទាំងទូរទស្សន៍ក្នុងស្រុក និងក្រៅប្រទេស។ ៣- អ្នកគាំទ្រជាតិ និងអន្តរជាតិ ចូលទស្សនាដោយសេរី៕
