កំពង់ធំ៖ ក្រុមអាណាធិបតេយ្យកាប់អាឈើនៅតំបន់ព្រៃរបស់រដ្ឋ ជាង៣០នាក់ បានដឹកនាំបក្សពួក វាយរំដោះយកកាឡេថង ដែលដឹកឈើខុសច្បាប់ ចំនួន៣គ្រឿង ដែលសមត្ថកិច្ចចាប់ឃាត់នៅ ចំនុចភូមិកំពុបអំបិល ឃុំបឹងល្វា ស្រុកសន្ទុក ខេត្តកំពង់ធំ នៅយប់ថ្ងៃទី ២៩ ខែ សីហា ឆ្នាំ២០១៥ ក្រោយពីវាយរំដោះបាន ក្រុមជនអាណាធិបតេយ្យ បានបើកកាឡេថង រត់មកលំនៅដ្ឋានរបស់ខ្លួន តាមបណ្តោយផ្លូវក្រាលគ្រោះក្រហម ដែលលាតសន្ធឹងពី កំពុបអំបិល មកកំពង់ថ្ម កាលពីវេលា ម៉ោង ៧,២០នាទីយប់ ។
សេចក្តីរាយការណ៍បានឲ្យដឹងថា ក្រោយពី ក្រុមរុករាន្ទកាប់ព្រៃដោយខុសច្បាប់បាន បានបើកមកដល់ចំនុច ចំការកៅស៊ូ ស្ថិតនៅក្នុងភូមិថ្មសំលាង ឃុំក្រយា ស្រុកសន្ទុក ខេត្តកំពង់ធំ ក័ ត្រូវបានកម្លាំងចម្រុះ មានប៉ូលិសកងរាជអាវុធហត្ថ និងកងយោធពលខេមរ:ភូមិន្ទ ផ្នែកសឹករង ដឹកនាំកម្លាំងចំនួន ៣ឡាន ចុះទៅស្ទាក់ នៅចំនុចខាងលើ. តែត្រូវបានក្រុមនេះ បើកកេឡេថង បុករថយន្តរបស់មេព្រៃ ថែមទាំងយកដំបង វាយសំពោងរថយន្ត របស់សមត្ថកិច្ចមេព្រៃ បណ្តាលឲ្យខូចខាតមួយចំនួន ហើយការតវ៉ាប្រឆាំង បានកើតឡើងយ៉ាងក្តៅគគុក វាយគ្នាទៅវិញទៅមក ចុងក្រោយក្រុមជនអាណាធិបតេយ្យ បានរត់គេចខ្លួន សមត្ថកិច្ចចាប់បាន មនុស្ស២នាក់ ដែលកំពុងតែដៃ សមត្ថកិច្ច ចំណែកកាឡេថង ត្រូវបានសមត្ថកិច្ច រំដោះយកមកបានមកវិញ។
ជនដៃដល់ បង្ករហឹង្សាជាមួយសមត្ថកិច្ច ត្រូវបានស្គាល់ឈ្មោះ ទៀត ប៉េ ភេទ ប្រុស អាយុ ៣៩ឆ្នាំ រស់នៅភូមិរ៉ូង ឃុំក្រវ់ា ស្រុកបារាយណ៍ ខេត្តកំពង់ធំ ទី២ ឈ្មោះ អ៊ិន ទិន ភេទប្រុស អាយុ៣៧ ឆ្នាំ រស់នៅភូមិ ពង្រលីង ឃុំជាមួយគ្នា ជនទាំង២នាក់នេះ ជាមេដឹកនាំកម្លាំងប្រឆាំងនិងសមត្ថកិច្ច ត្រូវបានឃាត់ខ្លួន បញ្ជូនមកកាន់ស្នងការនគរបាល ខេត្តកំពង់ធំ ដើម្បីធ្វើកំណត់ហេតុ បញ្ជូនទៅតុលាការ ។
ប្រជាពលរដ្ឋ សំណូមពរច្បាប់ ដាក់ទោសធ្ងន់ធ្ងរ ដល់ក្រុមជនអាណាធិបតេយ្យ ដែលបំផ្លាញព្រៃឈើ នឹងតាំងខ្លួនរស់នៅក្រៅច្បាប់ នឹងសង្គម៕
