អន្តរជាតិ ៖ រដ្ឋមន្ត្រីការបរទេសចិន លោក Qin Gang បាននិយាយ នៅថ្ងៃអង្គារនេះថា សហរដ្ឋអាមេរិក គួរតែផ្លាស់ប្តូរគោលនយោបាយខុសឆ្គងថ្មីៗរបស់ខ្លួនចំពោះប្រទេសចិន ឬជម្លោះ និងការប្រឈមមុខដាក់គ្នា។
លោក Qin បានប្រាប់ សន្និសីទសារព័ត៌មាននៅទីក្រុងប៉េកាំង នៅខាងក្រៅកិច្ចប្រជុំសភាប្រចាំឆ្នាំថា សហរដ្ឋអាមេរិក បានរួមចំណែកក្នុងការគាបសង្កត់ និងទប់ស្កាត់រារាំងប្រឆាំងប្រទេសចិន ជាជាងការប្រកួតប្រជែងដោយយុត្តិធម៌ ឬផ្អែកលើច្បាប់។
លោក Qin បានលើកឡើងថា ការយល់ឃើញ និងទស្សនៈរបស់សហរដ្ឋអាមេរិក ចំពោះប្រទេសចិន ត្រូវបានបំភ្លៃយ៉ាងធ្ងន់ធ្ងរ និងបានចាត់ទុកប្រទេសចិន ជាគូប្រជែងចម្បងរបស់ខ្លួន និងជាបញ្ហាប្រឈមផ្នែកភូមិសាស្ត្រនយោបាយដ៏ធ្ងន់ធ្ងរបំផុតផងដែរ។
គួរបញ្ជាក់ថា ទំនាក់ទំនងរវាងប្រទេសមហាអំណាចទាំង ២ មានភាពតានតឹងអស់រយៈពេលជាច្រើនឆ្នាំ ជុំវិញបញ្ហាមួយចំនួនរួមទាំងតៃវ៉ាន់ ពាណិជ្ជកម្ម និងសង្គ្រាមនៅអ៊ុយក្រែន ប៉ុន្តែកាន់តែមានភាពចម្រូងចម្រាសខ្លាំងឡើងពាក់ព័ន្ធនឹងបាឡុងចារកម្មចិន ដែលត្រូវបាញ់ទម្លាក់ដោយយោធាអាមេរិក កាលពីខែមុន៕
