កីឡា ៖ Cristiano Ronaldo គឺជាកីឡាករផ្លូវការរបស់ក្លឹប Al Nassr ខណៈដែលការស្វែងរកក្លឹបបាល់ទាត់អឺរ៉ុបរបស់គេបានដល់ទីបញ្ចប់។ ខ្សែប្រយុទ្ធសញ្ជាតិព័រទុយហ្គាល់បានយល់ព្រមចុះកិច្ចសន្យារយៈពេល២ឆ្នាំកន្លះរហូតដល់ឆ្នាំ២០២៥ ហើយរូបគេនឹងទទួលបានប្រាក់ឈ្នួល២១៣លានដុល្លារក្នុងមួយរដូវកាល។
ក្រោយពីបញ្ចប់កិច្ចសន្យាជាមួយ Manchester United Ronaldo បានស្វែងរកក្លឹបថ្មីនៅអឺរ៉ុប ប៉ុន្តែវាមិនបានសម្រេច ដូច្នេះកីឡាករវ័យ៣៧ ឆ្នាំរូបនេះបានយល់ព្រមផ្លាស់មកក្លឹប Al Nassr តែម្ដង។
ក្លឹបបានបញ្ជាក់ពីដំណឹងនៃការចុះហត្ថលេខាលើ Instagram ដោយសសេរថា៖ “នេះវាលើសពីការបង្កើតប្រវត្តិសាស្ត្រទៅទៀត។ នេះជាការចុះហត្ថលេខាដែលមិនត្រឹមតែជំរុញឱ្យលីគរបស់យើងទទួលបានភាពជោគជ័យកាន់តែច្រើនប៉ុណ្ណោះទេ ប៉ុន្តែជំរុញឱ្យក្រុមរបស់យើង ជាតិសាសន៍ និងជំនាន់ក្រោយៗទៀត ក្មេងប្រុស និងក្មេងស្រីក្លាយជាមនុស្សដ៏អស្ចារ្យសម្រាប់ខ្លួនឯង។ cristiano ទៅផ្ទះថ្មីរបស់អ្នក @alnassr_fc ៕
