ក្រុមហ៊ុនស៊ីភី នាំជ្រូកឡាវចូល ដោយគ្មានច្បាប់ ប៉ះពាល់ដល់ ពលរដ្ឋ ចិញ្ញិមជ្រូកក្នុងស្រុក
ក្រុមហ៊ុនស៊ីភី(CP) របស់លោកឧកញ៉ា ក្នុងស្រុកខ្មែរម្នាក់ កំពុងតែលេងបន្លំភ្នែក ដោយ
បាននាំជ្រូករស់ មកពីប្រទេសឡាវ ចូលមកប្រទេសកម្ពុជា ដឹកចែកចាយរហូត មកដល់កន្លែង
សត្តឃាត ក្រុងស្ទឹងសែន ដោយគ្មានលិខិតអនុញ្ញាតិ ពីស្ថាប័នជំនាញ។
ប្រភពព័ត៌មានបង្ហើបឲ្យដឹងថា សង្ស័យតែមានការឃុបឃិតបើកភ្លើងខៀ វរវាងលោក ម៉ក់ យុទ្ធនា អនុប្រធានមន្ទីរកសិកម្មខេត្តកំពង់ធំ ទទួលបន្ទុក
បសុព្យាបាល និងលោក តាន់ ម៉េងឆាង ប្រធានសត្តឃាតដ្ឋានក្រុងស្ទឹងសែន ជាមួយនិងក្រុមហ៊ុនស៊ីភី(CP) របស់លោក
ឧកញ៉ា ក្នុងស្រុកខ្មែរម្នាក់ បាននាំជ្រូកចូលមកពីប្រទេសឡា វបន្លំភ្នែក ដោយពុំមានលិខិតអនុញ្ញាតិ! ជាក់ស្តែងកាលពីរសៀលថ្ងៃទី១១ ខែសីហា ឆ្នាំ២០១៥ ក្រុមហ៊ុនស៊ីភី(CP) បាននាំសត្វជ្រូក ទាំងរថយន្តយីឌុប ចូលមកកាន់សត្តឃាតដ្ឋានក្រុងស្ទឹងសែន។ការនាំចូលជ្រូក ពីប្រទេសឡាវ ដោយគ្មានលិខិតអនុញ្ញាត បានធ្វើប៉ះពាល់យ៉ាងខ្លាំង ដល់សេដ្ឋកិច្ចប្រជាពលរដ្ឋខ្មែរ ដែលមានមុខរបរចិញ្ចឹមជ្រូកលក់ សម្រាប់ផ្គត់ផ្គង់ជីវភាពគ្រួសារ និងបាត់បង់ចំណូល បង់ពន្ធចូលរដ្ឋ ជាពិសេសទៅទៀតនោះ ប្រជាពលរដ្ឋកម្ពុជាគ្រប់
ស្រទាប់វណ្ណះ ព្រមទាំងមន្ត្រីរាជការ មានការព្រួយបារម្មថា តើសត្វ ជ្រូកដែលក្រុមហ៊ុនស៊ីភី
(CP) របស់លោកឧកញ៉ា ក្នុងស្រុកខ្មែរនាំជ្រូកពីប្រទេសឡាវ ចូលមកចែកចាយនៅទីផ្សារកម្ពុជា ដែលពុំមានលិខិតអនុញ្ញាតិនាំចូលនេះ !បានធ្វើការត្រួតពិនិត្យ ផ្នែកសុខភាពដែរឬទេ? នៅពេលដែលប្រជាពលរដ្ឋខ្មែរ បរិភោគអាចបណ្តាលឲ្យមានបញ្ហាអ្វីដែរទេ? ហេតុអ្វីបានជាតម្លៃជ្រូក នៅប្រទេសគេថោក !អាចនាំចូលមកប្រទេសខ្មែរបាន?។ នៅល្ងាចថ្ងៃដដែលនេះដែរ!
លោក អ៊ឹត សុធា ព្រះរាជអាជ្ញាអមសាលាតំបូងខេត្តកំពង់ធំ បានអញ្ជើញចុះទៅពិនិត្យ
សួរនាំអំពីលិខិតស្នាមដែរ តែត្រូវបានអ្នករត់ការប្រាប់ថា!ពុំបានយកមកជាប់ជាមួយនោះទេ!
រងចាំ១ម៉ោងទៀតមកដល់ហើយ! លោកព្រះរាជអាជ្ញា រង់ចាំរហូតដល់យប់ នៅតែមិនទាន់ឃើញ លិខិតស្នាមពិតមកដល់ទៀត ក៏បញ្ជាឲ្យខាងជំនាញ ធ្វើការផាកពិន័យទៅតាមផ្លូវច្បាប់!
លោក ម៉ក់ យុទ្ធនា អនុប្រធានមន្ទីរកសិកម្មខេត្តកំពង់ធំ ទទួលបន្ទុកបសុព្យាបាលប្រាប់ ថា លោកព្រះរាជអាជ្ញា គ្រាន់តែឲ្យធ្វើកិច្ចសន្យាប៉ុណ្ណោះ !មិនមានការពិន័យអ្វីនោះទេ!
ធ្វើឲ្យប្រជាពលរដ្ឋ នាំគ្នារិះគន់ថា ឲ្យខាងជំនាញពិន័យម្តេចនឹងចេញទៅ បើពួក
គេជាបក្សពួកតែ១នោះ!បើមិនត្រូវដងត្រូវផ្លែគ្នាទេ ស្មានតែជ្រូកឡាវ ទាំងឡានយីឌុបដឹកចូលបាន្? បើប្រជាពលរដ្ឋតូចតាចវិញ ច្បាស់ជាវណ្ឌករ។
ពុំអាចទំនាក់ទំនង ក្រុមហ៊ុនស៊ីភី សុំការបំភ្លឺបានទេ ព្រោះក្មានលេខទូរសព្ទ៕ដោយ សុផាត
ក្រុមហ៊ុនស៊ីភី នាំជ្រូកឡាវចូល ដោយគ្មានច្បាប់ ប៉ះពាល់ដល់ ពលរដ្ឋ ចិញ្ញិមជ្រូកក្នុងស្រុក
Filed in: ព័ត៌មានជាតិ, ព័ត៌មានថ្មី