ទៀតហើយ ខឹងមិនព្រម លើកកូនក្រមុំឲ្យ ប្រឌិតរូបអាសអាភាស បង្ហោះតាម ហ្វេសប៊ុក ត្រូវកុនខ្លួន ជាប់ឃុំ

ខេត្តបន្ទាយមានជ័យ៖ យុវជនគិតមិនដល់ម្នាក់ ដោយសារតែខឹង ឪពុកម្តាយខាងស្រី មិនព្រមលើកកូនក្រមុំឲ្យខ្លួន បានកើតគំនិតបង្កើត និងកាត់ត រូបអាសអាភាសបង្ខូចកេរ្តិ៍ឈ្មោះ ខាងស្រី ហើយត្រូវសមត្ថកិច្ចចាប់ខ្លួន បញ្ជូនទៅតុលាការ។
លោក សិទ្ធិ ទ្បោះ ស្នងការរងកណ្តាលព្រហ្មទណ្ឌ នៃស្នងការនគរបាលខេត្តបន្ទាយមានជ័យ បានឲ្យដឹងថា ជនសង្ស័យ ដែលត្រូវបានឃាត់ខ្លួន ក្នុងបទបរិហាកេរ្តិ៍និង និងក្រុមគ្រួសារស្ត្រី ដែលខ្លួនស្រលាញ់មានឈ្មោះ ញឹម ចាន់ណា អាយុ27ឆ្នាំ រស់នៅភូមិគាប សង្កាត់ទឹកថ្លា ក្រុងសិរីសោភ័ណ បានស្រទ្បាញ់គ្នា ជាមួយកញ្ញា ឈ្មោះ ស.ស.ជ.ត ប្រមាណជាងមួយឆ្នាំ តែត្រូវឪពុកម្តាយ ខាងកូនស្រីមិនលើកកូនឲ្យ ដោយមូលហេតុកូនប្រុសមាន ប្រវត្តិមិនល្អទើបមិនព្រម លើកកូនឲ្យ។
ក្រោយពីមានការហាម ពីខាងកូនស្រី ជនសង្ស័យបានបង្កើត អាខោនហ្វេសបុកមានឈ្មោះ SNA ATA HUNII បានផ្ញើឆាត តាមហ្វេសបុក ទៅម្តាយខាងកូនស្រី ដោយគម្រាមថា បើគេមិនបានកញ្ញា ស.ស.ជ.ត អ្នកណាក៍មិនបានដែរ គេនឹងបំផ្លាញចោល​ តាមគ្រប់វិធី​ ដែលអាចធ្វើបាន។ មិនតែប៉ុណ្ណោះ ជនសង្ស័យឈ្មោះ ញឹម ចាន់ណា បានឆាតបន្តទៅមិត្តភក្តិ និងបងប្អូនខាងស្រីទៀត ដោយគេថា រូបគេនិងកញ្ញាខាងលើ ធ្លាប់រស់នៅជាមួយគ្នា ធ្លាប់បានខ្លួនប្រាណគ្នាអស់ហើយ មិនតែប៉ុណ្ណោះបានកាត់ត រូបភាពអាសអាភាសបង្ហោះ ក្នុងប្រព័ន្ធហ្វេសបុកថា រូបគេនិងស្ត្រីរងគ្រោះ បានដេកជាមួយគ្នា។
លោកបានបន្តថា ក្រោយមក ក៏មានការដាក់ពាក្យបណ្តឹង ពីគ្រួសារជនរងគ្រោះ ទើបមានការឃាត់ ខ្លួនជនសង្ស័យឈ្មោះ ញឹម ចាន់ណា នោះតែម្តង កាលពីថ្ងៃទី ៩ ខែសីហា។
ដោយយោងតាមការសារភាព របស់ជនសង្ស័យថា មូលហេតុដែលខ្លួនធ្វើខាងលើ ក៏ព្រោះតែខ្លួនខឹងនិងឪពុកម្តាយខាងស្រី​មិនព្រមលើកកូនឲ្យ។ តែទោះជាយ៉ាងណាក៏ដោយ ផ្អែកតាមឯកសារភស្តុតាង យុវជន ញឹម ចាន់ណា ត្រូវបានកសាងសំណុំរឿង និងបញ្ជូនខ្លួនទៅតុលាការ ដើម្បីចាត់ការតាមច្បាប់៕
នេះជាមេរៀន សំរាប់យុវជន ត្រូវពិចារណារអោយបានត្រឹមត្រូវ​ មុននឹងសំរេចការងារអ្វីមួយ៕