អន្តរជាតិ ៖ សពអតីតនាយករដ្ឋមន្ត្រីជប៉ុន លោក Shinzo Abe បានដឹកទៅដល់គេហដ្ឋានរបស់លោក ក្នុងទីក្រុងតូក្យូ ហើយ។
លោក Abe ត្រូវបានគេបាញ់សម្លាប់ពីក្រោយ ខណកំពុងថ្លែងសុន្ទរកថា នៅក្នុងព្រឹត្តិការណ៍ឃោសនានយោបាយមួយកាលពីព្រឹកថ្ងៃសុក្រ នៅទីក្រុងណារ៉ា ភាគខាងត្បូង ប្រទេសជប៉ុន។
មន្ត្រីប៉ូលីស ដែលស៊ើបអង្កេតការធ្វើឃាតនេះ បាននិយាយថា ជនសង្ស័យមានការខឹងសម្បារប្រឆាំងនឹងអង្គការជាក់លាក់ ដែលរូបគេជឿថាមានទំនាក់ទំនងជាមួយលោក Abe ។ ប៉ូលីស បានបញ្ជាក់ថា ខ្មាន់កាំភ្លើងដែលត្រូវបានចោទប្រកាន់មានឈ្មោះថា Tetsuya Yamagami អាយុ ៤១ ឆ្នាំ។
ប៉ូលីស បន្ថែមថា ខ្មាន់កាំភ្លើង ឈ្មោះ Yamagami បានសារភាពថា បានបាញ់លោក Abe ដោយកាំភ្លើងកែច្នៃខ្លួនឯងនៅផ្ទះ៕
