ស្រះកែវ ថៃ ៖ ពាណិជ្ជករ អាជីវករ វិស័យឯកជននៃសហគ្រាសធុនតូចនិងមធ្យមថៃ និងកម្ពុជា មកពីខេត្តួមួយចំនួនដែលជាប់ឬជិតព្រំដែនទាំងពីរបានចុះអនុស្សារណ:នៃការលក់ដូរទំនិញ (Memorandum of Purchasing ឬMOP) មកពីខេត្តមួយចំនួនរបស់ថៃ និងកម្ពុជាក្នុងរយ:ពេលកំណត់១ ។
ពិធីនោះបានធ្វើឡើងនៅរាត្រីថ្ងៃទី០២ខែកក្កដាឆ្នាំ២០២២ នៅសណ្ឋាគារកង់(The Velo’s Hotel & Pump )នៅស្រុកអារញ្ញប្រាថេត ខេត្តស្រះកែវ ។
ខាងកម្ពុជាមានមកពីខេត្តបន្ទាយមានជ័យ បាត់ដំបង សៀមរាប ឧត្តរមានជ័យ ភ្នំពេញ កណ្តាល កំពង់ចាម កំពង់ឆ្នាំង កំពត ដែលអញ្ជើញជាអធិបតីនិងសាក្សីដោយលោក នេត សេរី អគ្គកុងស៊ុលកម្ពុជាប្រចាំខេត្តស្រះកែវ លោក ដុំ វណ្ណឌី អនុប្រធានមន្ទីរពាណិជ្ជកម្មខេត្តបន្ទាយមានជ័យ លោក ហ៊ិន វុឌ្ឍី អនុប្រធានមន្ទីរពាណិជកម្មខេត្តបាត់ដំបង តំណាងសភាពាណិជ្ជកម្មខេត្តនានា ។
ឯខាងថៃ មានមកពីខេត្តស្រះកែវនិងបណ្តាខេត្តថៃនៅទិសខាងកើត ឦសាន និរតីដែលជាប់និងជិតព្រំដែនកម្ពុជា ដែលមានកញ្ញា នុងយ៉ៅ ស៊ីចាន់ថាមីត ប្រធានមន្ទីរពាណិជ្ជកម្មខេត្តស្រះកែវ និងលលកស្រីប្រធានសភាពាណិជកម្មខេត្តនេះជាអធិបតី ។
ការចុះអនុស្សារណ: នៃការលក់ដូរទំនិញ(Memorandum of Purchasing ឬMOP) នេះ ជាផ្នែកមួយនៃកម្មវិធីលើកដំបូងក្រោយ ”ការតភ្ជាប់និងផ្គូផ្គងចចារដៃគូពាណិជ្ជកម្ម សហគ្រាសខ្នាតតូចនិងមធ្យមឆ្នាំ២០២២ ”(Business Martching / B2B SMEs Thailand -Cambodia )ថ្ងៃទី៣០ ខែមិថុនា-២ ខែកក្កដា ឆ្នាំ២០២២ ។
អាជីវករ ពាណិជ្ជករមកពីខេត្ត -ប្រទេសកម្ពុជាបានទស្សនានិងទិញទំនិញឬសេវា ដែលដាក់បង្ហាញដោយដៃគូភាគីថៃ ហើយត្រូវបានពិភាក្សគ្នាក្នុងការកុំម៉្មង់ លក់ដូរ បញ្ជូនលក់ដូរទំនិញ/សេវា ដែលផលិតចេញពីសហគ្រាសធុនតូចនិងមធ្យម(SMEs) ថៃ។
រីឯបំណងនៃកម្មវិធីនេះគឺដើម្បីជម្រុញកំណើននាំចេញចូលទំនិញឆ្លងកាត់ព្រំដែន ចំពេលភាគីថៃបានបើកព្រំដែន/បើកប្រទេសឡើងវិញកាលពីខែឧសភា ។
និងក៏ជម្រុញសង្វាក់ផលិតកម្មសហគ្រាសផងដែរ ៕
