ស្រះកែវ ថៃ ៖ ម្ចាស់ក្រុមហ៊ុនសិប្បកម្មចម្រាញ់ទឹកដបផ្លែឈើណេហ្វេ កូ(NEFE CO .,Ltd ស្ថិតនៅភូមិថានថៃឃុំថាប់ព្រីក ស្រុកខ្លងហាត ខេត្តស្រះកែវ របស់ថៃថានឹងផ្តល់ប្រឹក្សាបច្ចេកទេសដល់ដៃគូសហគមន៍ពីកម្ពុជា .។
លោក កាសេមងិន ស្រ៊ីសូភា នាយកចាត់ការទូទៅនិងអ្នកស្រី សួឆាដា ឡឺតវីលសាប ម្ចាស់នៃក្រុមហ៊ុនណេហ្វេ កូ(NEFE CO .,Ltd) ប្រាប់ប្រតិភូពាណិជ្ជកម្ពុជានៃវិស័យសាធារណ:និងសហគ្រិន ពាណិជ្ជករ អាជីវករ នៃវិស័យឯកជនមកពីខេត្តបន្ទាយមានជ័យ បាត់ដំបង សៀមរាប ឧត្តរមានជ័យ... កាលពីថ្ងៃទី០១ ខែកក្កដា ឆ្នាំ២០២២ ដែលធ្វើទស្សនកិច្ចសិក្សានៅទីនោះស្តីពីបើកកម្មវិធី ”ការតភ្ជាប់និងផ្គូផ្គងចចារដៃគូពាណិជ្ជកម្ម សហគ្រាសខ្នាតតូចនិងមធ្យមឆ្នាំ២០២២ ”(Business B2B SMEs Thailand -Cambodia ) ។
លោក កាសេមងិន ស្រ៊ីសូភា បានបង្ហាញថា : ក្រុមហ៊ុនដែលជាសសហគ្រាសមួយជាក្រុមហ៊ុនធុនមធ្យមទី១ ដែលចម្រាញទឹកដមនិងរសផ្លែឈើ ទឹកជ្រលក់នៅក្នុងខេត្តស្រះកែវ ។ក្នុងនោះមានចម្រាញ់ពីវត្ថុធាតុដើមផ្លែប៉ោម មង្ឃុត ស្វាយ ត្របែក ខ្នុរ ធុរេន ...។
លោកបន្តថា ៖ ក្រុមហ៊ុនដែលដូចជាឈ្មួញកណ្តាលខាងកែច្នៃនេះត្រូវមានកិច្ចសហការជាដៃគូជាប់លក្ខខ័ណ្ឌកិច្ចសន្យាទើបដំណើរការសង្វាក់ផលិតកម្មបាន ដូចជាសហការនឹងម្ចាស់ចម្ការដំណាំផ្លែឈើដែលផ្តល់វត្ថុធាតុដើមនិងជាមួយម្ចាស់សិប្បកម្ម ឧស្សាហកម្មគ្រឿងម៉ាស៊ីនច្នៃ ព្រមទាំងអ្នកទទួលទិញផលិតផលសម្រេច ។
ក្រុមហ៊ុននេះ អោយដឹងថា ៖ គ្រឿងម៉ាស៊ីន ឧបករណ៍កែច្នៃផលិតនាំមកពីប្រទេសចិននិងក្នុងស្រុក ហើយទីផ្សារផលិតផលមាននៅក្នុងស្រុកនិងនៅប្រទេសចិន ។
លោកដុំ វណ្ណឌី អនុប្រធានមន្ទីរពាណិជ្ជកម្មខេត្តបន្ទាយមានជ័យ លោកហ៊ិន វុឌ្ឍី អនុប្រធានមន្ទីរពាណិជកម្មខេត្តបាត់ដំបង ក៏ដូចតំណាងសភាពាណិជកម្មនៃខេត្តបន្ទាយមានជ័យ បាត់ដំបង សៀមរាប ឧត្តរមានជ័យ និងអាជីវករ ពាណិជ្ជករ ផលិតករកម្ពុជាបានចាប់អារម្មណ៍លើក្រុមហ៊ុនដែលជាសហគ្រាស(កែច្នៃ វេចខ្ចប់)មួយនេះ ដែលចំណាយទុនវិនិយោគកម្រឹតមធ្យម ងាយរកវត្ថុធាតុដើមនិងទីផ្សារអំណោយផល(ទំនិញប្រភេទម្ហូបអាហារ )។
ហេតុនេះ ស្នើសុំអោយក្រុមហ៊ុននេះជួយដល់សហគមន៍ពាណិជ្ជករ សហគ្រិន អាជីវករកម្ពុជាក្នុងក្របខ័ណ្ឌសហគ្រាសខ្នាតមធ្យមនិងតូច ។
ឆ្លើយតបសំណើនេះ នាយកចាត់ការទូទៅនៃក្រុមហ៊ុនណេហ្វេ កូ(NEFE CO .,Ltd) បញ្ជាក់ថា :ក្រុមហ៊ុនរីករាយនឹងផ្តល់ប្រឹក្សាបច្ចេកទេសដៃគូសហគមន៍ពីកម្ពុជាផ្តល់ប្រឹក្សាបច្ចេកទេសដល់ដៃគូសហគមន៍ពីកម្ពុជា .។
ពិសេសជួយផ្តល់ប្រឹក្សាបច្ចេកទេស បទពិសោធន៍ ផ្តល់ការសិក្សាជំនាញ::::ដល់ពួកគាតដើម្បីអោយដំណើរការលើកម្ពស់សេដ្ឋកិច្ចគ្រួសារនិងសហគមន៍ ៕
សិប្បកម្មចម្រាញ់ ទឹកដបផ្លែឈើ NEFECO របស់ថៃ ថានឹងផ្តល់ ប្រឹក្សាបច្ចេកទេស ដៃគូសហគមន៍ ពីកម្ពុជា
Filed in: ព័ត៌មានជាតិ
