ស្រះកែវ ថៃ ៖ មន្ត្រីជំនាញពាណិជ្ជកម្ពុជានៃវិស័យសាធារណ:និងសហគ្រិន ពាណិជ្ជករ អាជីវករ ធុរជន នៃវិស័យឯកជនមកពីខេត្តមួយចំនួនរបស់ថៃ និងកម្ពុជាចំនួនរាប់សិបនាក់កាលពីល្ងាចថ្ងៃទី៣០ ខែមិថុនា ឆ្នាំ២០២២ បានអញ្ជើញបើកកម្មវិធី ”ការតភ្ជាប់និងផ្គូផ្គងចចារដៃគូពាណិជ្ជកម្ម សហគ្រាសខ្នាតតូចនិងមធ្យមឆ្នាំ២០២២ ”(Business B2B SMEs Thailand -Cambodia ) ថ្ងៃទី៣០ ខែមិថុនា-២ កក្កដា ឆ្នាំ២០២២ ក្នុងពិធីមួយនាសណ្ឋាគារកង់(The Velo’s Hotel & Pump tract@ Aranyaprathet នៅស្រុកអារញ្ញប្រាថេត ខេត្តស្រះកែវ ជាប់ព្រំដែនប្រទេសកម្ពុជា។
ប្រតិភូកម្ពុជាមានមកពីខេត្តបន្ទាយមានជ័យ បាត់ដំបង សៀមរាប ឧត្តរមានជ័យ ភ្នំពេញ កណ្តាល កំពង់ចាម កំពង់ឆ្នាំង កំពតដែលដឹកនាំដោយលោកវេជ្ជបណ្ឌិត ឈុំ វណ្ណារឹទ្ធិ អនុរដ្ឋលេខាធិការក្រសួងសុខាភិបាល លោក នេត សេរី អគ្គកុងស៊ុលកម្ពុជាប្រចាំខេត្តស្រះកែវ លោកដុំ វណ្ណឌី អនុប្រធានមន្ទីរពាណិជ្ជកម្មខេត្តបន្ទាយមានជ័យ អនុប្រធានមន្ទីរពាណិជកម្មខេត្តបាត់ដំបង តំណាងសភាពាណិជ្ជកម្មខេត្តនានា ។ និងខាងថៃ មានមកពីខេត្តស្រះកែវនិងបណ្តាខេត្តថៃនៅទិសខាងកើត ឦសាន និរតី ដែលដឹកនាំដោយលោក ធីរ៉ាក់ឆៃ លីមប្រាសីតស័ក្តិ អភិបាលរងខេត្តស្រះកែវ កញ្ញា នុងយ៉ៅ ស៊ីចាន់ថាមីត ប្រធានមន្ទីរពាណិជ្ជកម្មខេត្តស្រះកែវ លោក ឆាក់ណាធីប ឌុកប៉ាក់នី អភិបាលស្រុកអារញ្ញាប្រថេត ។
ជាមួយគ្នានោះ អ្នកសារព៍ត័មានកម្ពុជា២រូបលោក អោម ឡាយុំ និងលោក លៀង សុភក្រ្ត័ មកពីសហព័ន្ធប្រព័ន្ធផ្សព្វផ្សាយអាស៊ាន(UMA) កម្ពុជានិងអ្នកសារព័ត៌មានថៃជាច្រើននាក់ក៏បានចូលរួមព្រឹត្តិការណ៍ពាណិជ្ជកម្មនេះដែរ ។
កញ្ញា នុងយ៉ៅ ស៊ីចាន់ថាមីត ប្រធានមន្ទីរពាណិជ្ជកម្មខេត្តស្រះកែវ ថ្លែងថា: ខេត្តស្រះកែវស្ថិតនៅភាគខាងកើត ហើយជាប់ព្រំដែនកម្ពុជានៃខេត្តបន្ទាយមានជ័យនិងខេត្តបាត់ដំបង ដែលជាផ្លូវឆ្លងកាត់ទៅកាន់ខេត្តនានាដ៏ងាយស្រួល រហ័ស ហើយមានអំណោយផលដល់ពាណិជកម្ម អាជីវកម្មឆ្លងកាត់ព្រំដែន ។
កញ្ញាបន្តថា: កន្លងមក ភាគខាងកើតនេះមានទំនាក់ទំនងសកម្មភាពលើការធ្វើជំនួញពាណិជ្ជកម្ម ការវិនិយោគ ផលិតកម្ម សេវាកម្មហើយមានទំនាក់ទំនង កិច្ចសហប្រតិបត្តិការល្អជានិច្ចជាមួយកម្ពុជា ។
កញ្ញា នុងយ៉ៅ ស៊ីចាន់ថាមីត បានបន្តថា: ការរៀបចំកម្មវិធីជូបប្រជុំពិភាក្សា លើវិស័យធុរកិច្ច និងទស្សនកិច្ចសិក្សាបែបជំនួញឬវិស័យពាណិជ្ជកម្មនេះឡើងក្នុងគោលបំណងលើកទឹកចិត្ត សម្របសម្រួល កែលម្អនិងកាត់បន្ថយរបាំងនានាដល់អាជីវករ ពាណិជ្ជករ ធុរជន អ្នកវិនិយោគថៃ កម្ពុជា លើសកម្មភាពរបស់ពួកគេ ។
ថ្លែងបើកដំណើរការនៃកម្មវិធីនេះ លោក ធីរ៉ាក់ឆៃ លីមប្រាសីតស័ក្តិ អភិបាលរងខេត្តស្រះកែវ មានប្រសាសន៍ថា: ការបើកកម្មវិធី ការតភ្ជាប់និងផ្គូផ្គងចចារដៃគូពាណិជ្ជកម្ម សហគ្រាសខ្នាតតូចនិងមធ្យមថៃ កម្ពុជា ឆ្នាំ២០២២ នាពេលនេះ ចំពេលដែលរាជរដ្ឋាភិបាលថៃបានបើកប្រទេស ពិសេសព្រំដែនគោកជាមួយប្រទេសជិតខាងឡើងវិញកាលពីខែឧសភា ។ពោលគឺបន្ទាប់ពីដំណោះស្រាយលើការប្រយុទ្ធនឹងការីរាលដាលនៃជម្ងឺកូវីដ១៩ ដែលជាវិបត្តិសាកលបានជោគជ័យភាគច្រើន ។
លោក ធីរ៉ាក់ឆៃ លីមប្រាសីតស័ក្តិ បានបន្តថា : ការបើកកិច្ចប្រជុំនិងទស្សនកិច្ចសិក្សាលើកដំបូងសម្រាប់មន្ត្រី នៃវិស័យសាធារណនិងអាជីវករ ពាណិជ្ជករ ធុរជន អ្នកវិនិយោគ:នៃវិស័យឯកជនថៃ កម្ពុជា នេះ គឺការជម្រុញស្តារនិងលើកកម្ពស់ជីវភាពប្រជាជននិងសេដ្ឋកិច្ចប្រទេសឡើងវិញក្នុងបរិបទក្រោយវិបត្តិជម្ងឺនេះ ។
លោកវេជ្ជបណ្ឌិត ឈុំ វណ្ណារឹទ្ធិ តំណាងថ្នាក់ដឹកនាំប្រតិភូកម្ពុជាបានថ្លែងថា : កន្លងមក កម្ពុជា ថៃ និងដោយឡែកបណ្តាខេត្តកម្ពុជា ថៃដែលមានព្រំដែនគោកនិងច្រកទ្វារព្រំដែនជាមួយគ្នា ពិសេសខេត្តបាត់ដំបង ខេត្តបន្ទាយមានជ័យ និងខេត្តស្រះកែវ មានទំនាក់ទំនង កិច្ចសហប្រតិបត្តិការល្អលើវិស័យសន្តិសុខ ការបង្ក្រាបបទល្មើស វិស័យសេដ្ឋកិច្ច វិស័យសង្គមកិច្ច ប្រកបដោយការយោគយល់និងបម្រើផលប្រយោជន៍គ្នា។
លោកវេជ្ជបណ្ឌិត ឈុំ វណ្ណារឹទ្ធ បន្ថថា : ច្បាស់ណាស់ កម្មវិធីលើកនេះ មិនត្រឹមតែជាការអនុវត្តនូវគោលនយោបាយនៃរាជរដ្ឋាភិបាលប្រទេសទាំងពីរដែលជម្រុញ លើកកម្ពស់នូវទំនាក់ទំនងកិច្ចសហប្រតិបត្តិការល្អ និងបន្តរក្សាព្រំដែនសន្តិភាព មិត្តភាព ការអភិវឌ្ឍន៍ប៉ុណ្ណោះទេ ប៉ុន្តែវានឹងជាឱកាសបើកទំព័រស្តារជីវភាពនិងសេដ្ឋកិច្ចឡើងវិញក្រោយវិបត្តិសាកលនៃការីករាលដាលជម្ងឺកូវីដ១៩ ។
ព្រោះថា រាជរដ្ឋាភិបាលកម្ពុជាដែលមានសម្តេចតេជោ ហ៊ុន សែន ជាប្រមុខ ក្រសួងសុខាភិបាលនិងស្ថាប័ន អាជ្ញាធរមានសមត្ថកិច្ចពាក់ព័ន្ធបានដោះស្រាយដោយជោគជ័យនូវគោលនយោបាយប្រយុទ្ធនឹងជម្ងឺកូវីដ១៩ ៕
