ភ្នំពេញ៖ ពិតជាសាហាវមែន ដែលយើងមិនដែល ជួបប្រទះមីងបង្កើតពីរនាក់ បានបង្ខំឱ្យក្មួយស្រីអាយុ១៣ឆ្នាំ ខ្មែរឥស្លាមជាកូនកំព្រា រួមភេទជាមួយ មេការសំណង់ម្នាក់ ជាច្រើនលើកក្នុងតម្លៃ១០០០ដុល្លារ
ក្រោយមក បានបង្ខំម្តងទៀត តែក្នួយស្រីរឹងទទឹង មិនព្រមក៏ចាប់ ដាក់ច្រវ៉ាក់ជើង គួរឱ្យរន្ធត់ ។
រឿងនេះដឹងដល់សម្ថកិច្ច ដោយសារក្មេងស្រីបាន ស្រាយច្រវ៉ាក់ជើង ហើយលួចរត់មកប្តឹង សមត្ថកិច្ច ។
ជនល្មើស៣នាក់ រួមមានមីងបង្កើត របស់ក្មេងស្រីរងគ្រោះពីរនាក់ និងមេការសំណង់ម្នាក់ ត្រូវបាន លោក កែវ ធា នាយការិយាល័យ ប្រឆាំងការជួញដូរមនុស្ស និងការពារអនីតិជន រាជធានីភ្នំពេញ បញ្ជាកម្លាំងឱ្យចាប់ខ្លួនបាន កាលពីថ្ងៃទី៣ ខែសីហា ឆ្នាំ២០១៥ ដើម្បីយកមកផ្តន្ទាទោសតាមច្បាប់ ។
លោក កែវ ធា ថ្លែងកាលពីព្រឹកថ្ងៃទី៤ ខែសីហា ឆ្នាំ២០១៥ ថា មីងទាំងពីរនាក់ឈ្មោះ ជា ស្រស់ អាយុ៣២ឆ្នាំ និង ឈ្មោះ ជា ទីណា អាយុ២៧ឆ្នាំ ជាបងប្អូនបង្កើត និង ត្រូវជាមីង របស់ក្មេងស្រីរងគ្រោះឈ្មោះ ជា ណារី អាយុ១៣ឆ្នាំ និងមេការសំណងម្នាក់ទៀត ជាអ្នករួមភេទជាមួយក្មេងស្រី គឺ ឈ្មោះ ឈឹម ឆែលី អាយុ៣៦ឆ្នាំ ដែលបានអោយលុយ១០០០ដុល្លា ទៅម្តាយមីងក្មេងស្រីរងគ្រោះ ។
លោកបន្តថា រហូតមកទល់ព្រឹកថ្ងៃទី៤ ខែសីហា ឆ្នាំ២០១៥ សមត្ថកិច្ច បាននាំជនរងគ្រោះ និង ជនល្មើស៤នាក់ ទៅធ្វើតម្រាប់ឡើងវិញ ពីសកម្មភាព បង្ខំក្មួយស្រីរួមភេទ រួចដាក់ច្រវ៉ាក់ជើង ដោយសារនាងមិនព្រម នៅសង្កាត់ច្រាំងចំរេះ ខណ្ឌឫស្សីកែវ ៕
