ខេត្តកំពង់ធំ ៖ នៅវេលាម៉ោង ២១:៣០ នាទី ថ្ងៃទី២៣ ខែឧសភា ឆ្នាំ២០២២ មានករណីឃាតកម្ម មួយកើតឡើងនៅចំណុចភូមិតាំងក្រសៅ ឃុំតាំងក្រសៅ ស្រុកប្រាសាទសំបូរ ខេត្តកំពង់ធំ។
ឃាតកម្មខាងលើបង្កដោយជនសង្ស័យឈ្មោះ ស៊ឹង សឹម ភេទប្រុសអាយុ៥២ឆ្នាំ នៅភូមិតាំងក្រសៅ ឃុំតាំងក្រសៅ ស្រុកប្រាសាទសំបូរ ផឹកស្រាស្រវឹងបានយកពូថៅកាប់ទៅលើក្មួយប្រុសឈ្មោះ មឿន ម៉ៃ ភេទប្រុស អាយុ ២២ឆ្នាំ ត្រូវចំក្បាលផ្នែកខាងក្រោយមួយពូថៅបណ្ដាលឲ្យស្លាប់នៅនឹងកន្លែងកើតហេតុ នៅចំណុចផ្ទះជនសង្ស័យ ភូមិឃុំកើតហេតុខាងលើ ដោយមូលហេតុ មានទំនាស់ពាក្យសម្ដី។ចំណែកជនសង្ស័យបានរត់គេចខ្លួនបាត់ ។
សមត្ថកិច្ចកំពុងស្វែងរកចាប់ជនដៃដល់យកមកផន្តាទោសតាមច្បាប់៕
