ថ្ងៃអង្គារ ១០កើត ខែពិសាខ ឆ្នាំខាល ចត្វាស័ក ព.ស.២៥៦៥ ត្រូនឹងថ្ងៃ១០ ខែឧសភា ឆ្នាំ២០២២ ឯកឧត្តម ទុំ សារាវុធ អនុប្រធានក្រុមការងារយុវជនគណបក្សប្រជាជនកម្ពុជាខេត្តស្វាយររៀងតំណាង ឯកឧត្តម ហេង សុខណាង សមាជិកគណៈកម្មាធិការកណ្តាលគណបក្ស និងជាប្រធានក្រុមការងារយុវជនគណបក្សខេត្តស្វាយរៀង បានអញ្ជើញទទួលនូវថវិកា គ្រឿងឧបភោគបរិភោគ និងសម្ភារៈបរិក្ខាប្រយុទ្ធប្រឆាំងជម្ងឺកូវីត-១៩ របស់ ឯកឧត្តម ហ៊ុន ម៉ាណែត សមាជិកអចិន្ត្រៃយ៍គណបក្សប្រជាជនកម្ពុជា និងជាប្រធានយុវជនគណបក្សប្រជាជនកម្ពុជា តាមរយៈប្រតិភូដែលដឹកនាំ ដោយលោក ហ៊ុត កុសល ប្រធានមូនិធីដាយមិនស៍កម្ពុជា ដែលក្នុងនោះរួមមាន៖ អង្ករចំនួន ៥តោន មីជាតិចំនួន ២៥០ កេស ត្រីខ ២៥០ យួរ Covid 19 test kits ចំនួន ១៥០០ និងថវិកា ១០ លានរៀល។
លោក ហ៊ុត កុសល ប្រធានមូលនិធិដាយមិនស៍កម្ពុជា បានឲ្យដឹងថា ថ្ងៃនេះ ក្រុមសប្បុរសជនយើងខ្ញុំមានសេចក្តីសោមនស្សរីករាយយ៉ាងខ្លាំង ដោយទទួលបានការអនុញ្ញាតដ៏ខ្ពង់ខ្ពស់ពីឯកឧត្តម ហ៊ុន ម៉ាណែត និងលោកជំទាវ នាំយកនូវអំណោយខាងលើនេះ មកប្រគល់ជូនឯកឧត្តម ប្រធានក្រុមការងារយុវជនគណបក្ស ខេត្តស្វាយរៀង ដើម្បីចូលរួមសកម្មភាព និងបន្តចែកជូនសមាជិកសមាជិកាបក្សក្នុងខេត្តស្វាយរៀង ។
ខ្ញុំបាទតំណាងឲ្យសប្បុរសជនមកពីមូលនិធិដាយមិនស៍កម្ពុជា សូមគោរពថ្លែងអំណរគុណយ៉ាងជ្រាលជ្រៅបំផុតដល់ឯកឧត្តម ប្រធានក្រុមការងារយុវជនគណបក្សខេត្តស្វាយរៀង និងសហការី ដែលបានផ្តល់ពេលវេលាដ៏មានតម្លៃសម្រាប់ការប្រគល់ទទួលអំណោយនៅថ្ងៃនេះ ។
ខ្ញុំបាទ និងក្រុមការងារសូមគោរពជូនពរឯកឧត្តមប្រធាន និងសហការី ទទួលបាននូវសុខ សុភមង្គល ជោគជ័យ គ្រប់ភារកិច្ច និងមានសុខភាពល្អបរិបូណ៌ ៕
ក្រុមការងារយុវជន គណបក្សប្រជាជនកម្ពុជា ខេត្តស្វាយរៀង ទទួលអំណោយរបស់ ឯកឧត្តម ហ៊ុន ម៉ាណែត និងលោកជំទាវ ពេជ ចន្ទមុន្នី
Filed in: ព័ត៌មានជាតិ
