ខេត្តកំពង់ធំ ៖ នៅវេលាម៉ោង១៣:២៥នាទី ថ្ងៃទី០៨ ខែឧសភា ២០២២ តាមផ្លូវថ្នល់ក្រាលកៅស៊ូលេខ២៦៤ ចំណុចភូមិពោន ឃុំច្រនាង ស្រុកតាំងគោក ខេត្តកំពង់ធំ មានករណីគ្រោះថ្នាក់ចរាចរណ៍កើតឡើងរវាងម៉ូតូបុកអ្នកថ្មើរជើង ក្នុងទិសដៅស្របគ្នា ពីកើតទៅលិច បណ្តាលឲ្យស្លាប់មនុស្ស០១នាក់ ។
តាមប្រភពព័ត៌មានពីកន្លែងកើតហេតុឲ្យដឹងថា មានម៉ូតូម៉ាកហុងឌ្រីមសេ១២៥ សេរីឆ្នាំ២០១៥ ពណ៌ខ្មៅ មិនចាំស្លាកលេខ បើកដោយបុរសមួយរូបមិនស្គាល់ អត្តសញ្ញាណ ក្រោយពីបង្កហេតុ បានបើករត់គេចខ្លួនបាត់។
ចំណែកជនរងគ្រោះជាអ្នកថ្មើរជើងឈ្មោះ ញឹម ថា ភេទប្រុស អាយុ៣៤ឆ្នាំ រស់នៅភូមិពោន ឃុំច្រនាង ស្រុកតាំងគោក ខេត្តកំពង់ធំ ស្លាប់នៅកន្លែងកើតហេតុ។
