ខេត្តបន្ទាយមានជ័យ ៖ នៅព្រឹកថ្ងៃព្រហស្បតិ៍ ទី២១ ខែមេសា ឆ្នាំ២០២២ ស្ថិតនៅវត្តប្រីយ៍ ឃុំទ្រាស ស្រុកស្វាយចេក សាខាកាកបាទក្រហមកម្ពុជាខេត្តបន្ទាយមានជ័យ ដឹកនាំដោយលោក អ៊ុំ រាត្រី អភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្ត និងលោក លី សារី អភិបាលរងខេត្ត និងជាអនុប្រធានអចិន្ត្រៃយ៏សាខាកាកបាទក្រហមកម្ពុជាខេត្តបន្ទាយមានជ័យ បានអញ្ជើញនាំយកអំណោយមនុស្សធម៌ របស់សម្តេចកិត្តិព្រឹទ្ធិបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ផ្តល់ជូនប្រជាពលរដ្ឋ ដែលរងគ្រោះដោយសារខ្យល់កន្ត្រាក់ កាលពីពេលថ្មីៗកន្លងមកនេះ ចំនួន ៣១គ្រួសារ មកពី៣ឃុំ (ឃុំទ្រាស ឃុំសារង្គ និងឃុំតាផូ) ក្នុងស្រុកស្វាយចេក ។
សម្ភារៈអំណោយក្នុងមួយគ្រួសារទទួលបាន ៖ អង្ករ ២៥គីឡូក្រាម.ត្រីខ ១យួរ មី ១កេសតូច ទឹកត្រី៣ដប មុង ១ ភួយ១ សារុង១ ក្រមា ១ អាវយឺត ២ តង់ប្លាស្ទីក (១សម្រាប់គ្រួសាររងគ្រោះធ្ងន់)៕
ពលរដ្ឋរងគ្រោះ ដោយសារខ្យល់កន្ត្រាក់ ៣១គ្រួសារ នៅស្រុកស្វាយចេក ទទួលបាន អំណោយមនុស្សធម៌ របស់ សម្តេចកិត្តិព្រឹទ្ធិបណ្ឌិត ប៊ុន រ៉ានី ហ៊ុន សែន
Filed in: ព័ត៌មានជាតិ
