រាជធានីភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីកម្ពុជា នៅថ្ងៃនេះ បានអំពាវនាវកុំឲ្យកើតមានអំពើហិង្សាណាមួយនៅក្នុងយុទ្ធនាការឃោសនាបោះឆ្នោតនិងបោះឆ្នោត។ទន្ទឹមនោះ សម្តេចក៏បានអំពាវនាវផងដែរឲ្យប្រជាពលរដ្ឋទៅបោះឆ្នោតទាំងអស់គ្នាដោយសេរី ហើយបើស្រទ្បាញ់គណបក្សណា បេក្ខជនណា ត្រូវបោះឆ្នោតឲ្យគណបក្សនិងបេក្ខជននោះទៅ។ប៉ុន្តែសម្តេចប្រាប់ថា បើគណបក្សប្រជាជនឈ្នះឆ្នោតដឹកនាំប្រទេស គឺគណបក្សណាក៏អាចរស់នៅជាមួយដោយសុខសប្បាយបានដែរ។
សម្តេចបញ្ជាក់បន្ថែមថា សម្តេចនឹងមិនធ្វើការឃោសនាបោះឆ្នោតនោះទេ គឺទុកឲ្យឃុំសង្កាត់ធ្វើការឃោសនាចុះ៕
