ខេត្តកំពត ៖ នាព្រឹកថ្ងៃអាទិត្យ ទី១៣ ខែមីនា ឆ្នាំ២០២២ ឯកឧត្តម នាយឧត្តមសេនីយ៍ ប៉ោ ភក្តិ អគ្គលេខាធិការ នៃអគ្គលេខាធិការដ្ឋាន ក្រសួងមហាផ្ទៃ បានឧបត្ថម្ភឧបករណ៍បរិក្ខា សុខាភិបាល និងឱសថមួយចំនួន ជូនដល់មណ្ឌលសុខភាពឃុំទាំង១៣ ក្នុងស្រុកឈូក ខេត្តកំពត ។ ក្នុងពិធីនោះដែរ ក៏មានការអញ្ជើញចូលរួម ឯកឧត្តម ឧត្តមសេនីយ៍ឯក ខេង សៅវិបុត្ត ប្រធានលេខាធិការដ្ឋានកិច្ចការទីប្រឹក្សា និងជំនួយការ ព្រមជាមួយថ្នាក់ដឹកនាំ និងមន្រ្តីនៃលេខាធិការដ្ឋាន អភិបាលរងខេត្ត អភិបាលស្រុក អភិបាលរងស្រុក អាជ្ញាធរមូលដ្ឋាន និងមន្រ្តីមណ្ឌលសុខាភិបាលជាច្រើនរូបផងដែរ។
សូមបញ្ជាក់ផងដែរថា ឧបករណ៍បរិក្ខាសុខាភិបាល ដែលនាំយកមករួមមាន គ្រែពេទ្យចំនួន ១៣ គ្រែ, ឱសថព្យាបាលជំងឺទូទៅ និងជំងឺកូវីដ១៩ចំនួន ១៣ កេស, ឧបករណ៍វាស់ចង្វាក់បេះដូងផងដែរ ហើយសរុបជាចំនួន១៣,៧៩៧.៥០ ដុល្លា ៕
