ខេត្តកំពង់ឆ្នាំង ៖នៅព្រឹកថ្ងៃទី០៧ ខែមីនា ឆ្នាំ២០២២ ឯកឧត្តម អ៊ិត សុធា ព្រះរាជអាជ្ញាអមសាលាដំបូងខេត្តកំពង់ឆ្នាំង និងជាអនុប្រធានក្រុមការងារចុះជួយឃុំពេជចង្វារ បានដឹកនាំក្រុមការងារ នាំយក អំពូលសូឡា និងគ្រឿងឧបភោគ បរិភោគ ប្រគល់ជូនគណបក្ស ប្រជាជនឃុំពេជចង្វារ ស្ថិតក្នុងឃុំពេជចង្វារ ស្រុកបរិបូណ៌ ខេត្តកំពង់ឆ្នាំង ។
ឯកឧត្តម អ៊ិត សុធា បានថ្លែងថា អំណោយជាគ្រឿងឧបភោគ បរិភោគ និងអំពូលសូឡា ដែលនាំយកមកប្រគល់ជូនគណបក្សឃុំពេជចង្វារនៅពេលនេះ ជាអំណោយដ៍ថ្លៃថ្លារបស់សម្តេចចៅហ្វាវាំង វរវៀងជ័យ អធិបតីស្រឹង្គារ គង់ សំអុល ឧបនាយករដ្ឋមន្រ្តី រដ្ឋមន្រ្តីក្រសួងព្រះបរមរាជវាំង ។
ឆ្លៀតក្នុងឱកាសនេះ ឯកឧត្តម អ៊ិត សុធា បានពាំនាំនូវការសួរសុខទុក្ខ ពីសំណាក់ប្រមុខរដ្ឋាភិបាលកម្ពុជា សម្តេចតេជោ ហ៊ុន សែន នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត, សម្តេច ចៅហ្វាវាំង គង់សំអុល ចំពោះ ប្រជាពលរដ្ឋក្នុងមូលដ្ឋាន ដែលជានិច្ចកាល តែងតែគិតគូរនិងយកចិត្តទុកដាក់ចំពោះប្រជាពលរដ្ឋកម្ពុជាទូទាំងប្រទេស ដោយមិនប្រកាន់ពូជ សាសន៍ និងនិន្នាការនយោបាយឡើយ។
ឯកឧត្តម អ៊ិត សុធា ក៍បានផ្តាំផ្ញើដល់ក្រុមការងារគណបក្សឃុំ ត្រូវយកអំពូលភ្លើង គ្រឿងឧបភោគ បរិភោគទាំងនេះយកទៅប្រើប្រាស់ឲ្យចំគោលដៅ និងដល់ដៃប្រជាពលរដ្ឋដែលត្រូវការពិតប្រាកដ ។
ជាមួយគ្នានេះ ឯកឧត្តមក៍បានអំពាវនាវដល់បងប្អូនប្រជាពលរដ្ឋទាំងអស់ត្រូវចូលរួមទាំងអស់គ្នាធ្វើយ៉ាង ណាអនុវត្តអោយត្រឹមត្រូវតាមវិធានការក្រសួងសុខាភិបាល ពិសេសអនុវត្តអោយបានតាមអនុសាសន៍របស់ប្រមុខរាជរដ្ឋាភិបាលកម្ពុជា សម្តេច តេជោ ហ៊ុន សែន គឺ ៣កុំ និង៣ ការពារ អោយបានខ្ជាប់ខ្ជួន ដើម្បីខ្លួនយើង ក្រុមគ្រួសារយើង និងសហគមន៍យើង ជៀសផុតពីជំងឺដ៏កាចសាហាវនេះ៕
ឯកឧត្តម អ៊ិត សុធា និងឯកឧត្ដម គឹមរត័្ន ណារិន នាំយក អំពូលសូឡា និងគ្រឿងឧបភោគ បរិភោគ ប្រគល់ជូនគណបក្ស ប្រជាជ នឃុំពេជចង្វារ
Filed in: ព័ត៌មានជាតិ
