ខេត្តកំពង់ឆ្នាំង ៖ នៅថ្ងៃទី ០៦ ខែ កុម្ភៈឆ្នាំ២០២១ នេះ ឯកឧត្តម ហែន ហឿន ប្រធានក្រុមការងារថ្នាក់កណ្តាល ចុះមូលដ្ឋានឃុំត្រងិល ឯកឧត្តម កែវ វ៉ាន់ដេត ប្រធានក្រុមការងារថ្នាក់កណ្តាលចុះមូលដ្ឋានឃុំសំរោងសែន លោក អ៊ុក អ៊ុករស់ ប្រធានក្រុមការងារគណបក្សថ្នាក់ខេត្តចុះមូលដ្ឋានឃុំត្រងិល និងឯកឧត្តម អ៊ិត សុធា ប្រធានក្រុមការងារ គណបក្សថ្នាក់ខេត្ត ចុះមូលដ្ឋានឃុំត្រងិល បានដឹកនាំក្រុមការងារចុះសួរសុខទុក្ខ សំណេះសំណាល និងចែកអំណោយលើកទឹកចិត្តដល់សិស្សានុសិស្សចំនួន ៣៥នាក់នៅក្នុងឃុំត្រងិលដែលបាន ប្រលងជាប់សញ្ញាប័ត្រមធ្យមសិក្សាទុតិយភូមិ ។
ចុះសួរសុខទុក្ខ សំណេះសំណាល និងចែកអំណោយលើកទឹកចិត្តដល់សិស្សានុសិស្សខាងលើនេះប្រារព្ធធ្វើឡើងនៅក្នុងបរិវេណទីស្នាក់ការគណបក្ស ស្រុកកំពង់លែង ។
ក្នុងឱកាសនេះ ឯកឧត្តម ហែន ហឿ ន មានប្រសាសន៍ថា ក្មួយៗកើតមកជំនាន់នេះពិតជាមានសំណាងណាស់គឺភ្ញាក់ឡើងបានឃើញផ្លូវថ្នល់សាលារៀន មន្ទីរពេទ្យ វត្តអារាម និងហេដ្ឋារចនាសម្ព័ន្ធនានានៅក្នុងស្រុកនិងក្នុងខេត្តរបស់យើងដែលកំពុងមានការរីកចម្រើនក្រោមការដឹកនាំរបស់សម្ដេចតេជោ ហ៊ុន សែន នាយករដ្ឋមន្ត្រីនិងជាប្រធានគណបក្សប្រជាជនកម្ពុជា។ ដោយឡែកជំនាន់ពូៗវិញបើកភ្នែកឡើងឮសូរតែគ្រាប់កាំភ្លើងក្នុងសម័ យសង្រ្គាម ប៉ុន្តែក្រោយមកនៅថ្ងៃទី ៧ មករាឆ្នាំ ១៩៧៩ ថ្នាក់ដឹកនាំគណបក្សប្រជាជនបានដឹកនាំកងកម្លាំងប្រដាប់អាវុធវាយផ្ដួលរំលំរបប ប៉ុល ពត រំដោះប្រទេសជាតិ រំដោះអាយុជីវិតប្រជាពលរដ្ឋបានរស់រានឡើងវិញ ទើបមានអ្វីដូចសព្វថ្ងៃនេះ ។
ឯកឧត្តមបានមានប្រសាសន៍បន្តថា ៖ ពេលនេះក្មួយៗ បានប្រឡងជាប់សញ្ញាបត្រទុតិយភូមិហើយ ដែលនឹងត្រូវបន្តរៀននៅថ្នាក់ឧត្តមសិក្សាទៀតដូច្នេះក្មួយៗដែលជាទំពាំងស្នងឬស្សី ជ្រើសរើ សយកជំនាញរៀនសូត្របន្តទៀតដើម្បីកសាងអនាគតរបស់ខ្លួន និងចូលរួមចំណែកក្នុងការអភិវឌ្ឍប្រទេសអោយកាន់តែទទួលបានសមិទ្ធផលថ្មីៗថែមទៀត។
ឯកឧត្តម ហែន ហឿ ន បញ្ជាក់បន្ថែមទៀតថា ខេត្តកំពង់ឆ្នាំងយើងនឹងមានភ័ពវាសនា ទទួលបានស្ពានឆ្លងទន្លេភ្ជាប់ពីក្រុងកំពង់ឆ្នាំង ទៅស្រុកកំពង់លែង ដោយសម្តេចតេជោបានប្រកាសនាពេលកន្លងមក និងបើកការសាងសង់នាពេលខាងមុខ ដែលជាសមិទ្ធិផលសម្រាប់ប្រជាពលរដ្ឋគ្រប់ៗគ្នា ។
លោក សំ ចាន់ថន ប្រធានគណបក្សប្រជាជនកម្ពុជាស្រុកកំពង់លែងបានមានប្រសាសន៍ថា សម្ដេចតេជោ ហ៊ុន សែន នាយករដ្ឋមន្ត្រីនិងជាប្រធានគណបក្សប្រជាជនកម្ពុជាបានចាត់ទុកធនធានមនុស្សគឺជាអធិភាពទី១ ក្នុងការកសាងប្រទេសជាតិ ។ដូច្នេះហើយទើបសម្ដេចយកចិត្តទុកដាក់លើវិស័យអប់រំកសាង ដោយបានកសាងសាលាបឋមសិក្សា អនុវិទ្យាល័យ និងវិទ្យាល័យគ្រប់ឃុំ ដើម្បីផ្ដល់ឱកាសឲ្យកូនចៅប្រជាពលរដ្ឋបានរៀនសូត្រដូចគ្នាៗ ។ ដោយឡែកចំពោះក្មួយៗដែលប្រឡងជាប់សញ្ញាបត្របត្រមធ្យមសិក្សាទុតិយភូមិក្នុងពេលនេះ ក៏មិនអាចកាត់ផ្ដាច់ពីការយកចិត្តទុកដាក់ជួយទំនុកបម្រុងពីឪពុក ម្ដាយ និងពីលោកគ្រូអ្នកគ្រូផងដែរ ជាពិសេសមុនពេលប្រឡងសញ្ញាបត្រនេះ ឯកឧត្តម ទាំងអស់ ជាប្រធានក្រុមការងារបក្សចុះមូលដ្ឋានឃុំ ក៏បានជួយឧបត្ថម្ភដល់លោកគ្រូអ្នកគ្រូឲ្យជួយបង្រៀនបំប៉នដល់សិស្សថ្នាក់ទី ១២ ផងដែរ ទើបមានលទ្ធផលល្អដូចពេលនេះ។ ជាមួយគ្នានេះដែរ ក្មួយៗដែលប្រឡងជាប់ថ្នាក់ទី ១២ ក្នុងឆ្នាំនេះក៏មានសំណាងខ្ពស់ ដែលបានចូលរៀនក្នុងអាគារថ្មីសិក្សាថ្មី នៃ វិទ្យាល័យហ៊ុនសែន កំពង់លែង ដែលសម្ដេចតេ ជោ បានជួយកសាងអគារសិក្សាមួយខ្នង៣ ជាន់ ស្មើនឹង ៣៦ បន្ទប់ និងដែលមានតែ១គត់នៅក្នុងខេត្តកំពង់ឆ្នាំង។
នៅក្នុងឱកាសនោះដែរ ឯកឧត្តម នៅក្នុងក្រុមការងារគណបក្ស បានចែកអំណោយជាថវិកាដល់សិស្សដែលប្រឡងជាប់សញ្ញាបត្រមធ្យមសិក្សាទុតិយភូមិគ្រប់និទ្ទេសទាំងអស់ចំនួន ៣៥ នាក់នៅក្នុងឃុំតាងិល ដោយម្នាក់ៗទទួលបានថវិកាចំនួន២០ ម៉ឺនរៀលផងដែរ ៕
