ខេត្តសៀមរាប ៖ នៅម៉ោង៩និង១៥នាទីយប់ ថ្ងៃទី២៧ ខែមករា ឆ្នាំ២០២២ស្ថិតនៅភូមិក្រាំង ឃុំខ្វាវ ស្រុកជីក្រែង ខេត្តសៀមរាប ពិតជាអាណោចអាធម្មមែន វិធីបង្កក់កូនក្លាយជាសមុទ្រទឹកភ្នែកយ៉ាងសោកសៅ ដោយសារបុរសម្នាក់យករឿងគំនុំរបស់ប្អូនប្រុសមកបញ្ចេញកំហឹង ដោយកាន់កាំបិតខ្វែវមកកាប់លើបុរសម្នាក់ទៀត ដែលកំពុងតែហូបអាហារជួបជុំមិត្តភក្កិ ក្នុងកម្មវិធីបង្កក់កូន បណ្តាលឲ្យស្លាប់ភ្លាមៗក្នុងថ្លុកឈាម ។
ប្រភពបានអោយដឹងថា ជនដៃដល់ឈ្មោះ ញូវ ទីន ភេទប្រុស អាយុ៣២ឆ្នាំ រស់នៅភូមិក្រាំង ឃុំខ្វាវ ស្រុកជីក្រែង ខេត្តសៀមរាប បានទាញកាំបិតខ្វែវកាប់ទៅលើជនរងគ្រោះឈ្មោះ ស៊យ រុំ ភេទប្រុស អាយុ៤៩ឆ្នាំ រស់នៅភូមិខ្វាវ ឃុំខ្វាវ បណ្តាលឲ្យស្លាប់នៅកន្លែងកើតហេតុ។
លោក ស៊ិន សុផល មេប៉ុស្តិ៍ខ្វាវបានឲ្យដឹងថា តាមការសួរចម្លើយនសង្ស័យថា មិនមែនជារឿងរបស់ខ្លួនទេ គឺជារឿងរបស់ប្អូនប្រុសដែលបានគុំគួនគ្នាយូរហើយ តែខ្លួនបញ្ចេញកំហឹងជួសប្អូនប្រុសដោយយក កាំបិតខ្វែវកាប់ទៅលើជនរងគ្រោះបានស្រែកឲ្យគេជួយផងមួយរំពេច ជនរងគ្រោះក៏បានដាច់ខ្យល់ស្លាប់។ !ក្រោយមកជនដៃដល់ត្រូវបានកម្លាំងប្រជាការពារសហការជាមូយមន្ត្រីប៉ុស្តិ៍ បងប្អូនមិត្តភ័ក្រនៅក្បែរគ្នាចាប់បានភ្លាមៗនៅកន្លែងកើតហេតុ ពលរដ្ឋដែលជាភ្ញៀវចូលរួមក្នុងពិធីបង្កក់កូនក៍បាននាំគ្នាស្វាគមន៍ទៅលើជនដៃដល់យ៉ាងចាស់ដៃ ។
ក្រោយពីសមត្ថកិច្ចពិនិត្យរួចប្រគល់សាកសពជូនក្រុមគ្រួសារសាច់ញាត្តិធ្វើបុណ្យតាមប្រពៃណី ដោយឡែកជនដៃដល់ត្រូវបានកម្លាំងប៉ុស្តិ៍បញ្ជូនទៅអធិការរដ្ឋាននរគស្រុកជីក្រែងដើម្បីបន្តនិតិវិធីតាមច្បាប់៕
