ខេត្តកំពង់ឆ្នាំងៈ ៖ នៅរសៀលថ្ងៃទី២១ ខែមករា ឆ្នាំ២០២២ យោងតាមចំណាររបស់ឯកឧត្តម ស៊ុន សុវណ្ណារិទ្ធិ អភិបាលនៃគណៈអភិបាលខេត្តកំពង់ឆ្នាំង ឯកឧត្តម សាន់ យូ អភិបាលរងខេត្ត បានដឹកនាំថ្នាក់ដឹកនាំអង្គភាពពាក់ព័ន្ធនិងអាជ្ញាធរដែនដីចុះពិនិត្យទីតាំងស្នើសុំសាងសង់កុដិនៅវត្តពោធិ៍សិលារាម ហៅវត្តសំរោង ស្ថិតក្នុងភូមិសំរោង សង្កាត់ផ្សារឆ្នាំង ក្រុងកំពង់ឆ្នាំង។
ក្រោយពីពិនិត្យលើទីតាំងស្នើសុំរួចមក ឯកឧត្តម បានមានប្រសាសន៍ថា៖ឯកភាពលើគោលការណ៍ស្នើសុំសាងសង់កុដិរបស់ព្រះគ្រូចៅអធិការវត្តពោធិ៍សិលារាម ហៅវត្តសំរោង ឯកឧត្តមនិងធ្វើរបាយការណ៍ជូនឯកឧត្តមអភិបាលនៃអភិបាលខេត្តកំពង់ឆ្នាំង។
ឯកឧត្តម សាន់ យូ ក៏បានមានប្រសាសន៍ផ្តាំផ្ញើដល់ព្រះចៅអធិការវត្ត ត្រូវរៀបចំប្លង់ ហើយសហការជាមួយអង្គភាពជំនាញដើម្បីសាងសង់ទៅអោយសំណង់ត្រូវតាមស្តង់ដារបច្ចេកទេសត្រឹមត្រូវប្រកបដោយគុណភាពជៀសវាងកើតមានហានិភ័យទៅថ្ងៃក្រោយ។
ឯកឧត្តម សាន់ យូ ក៏បានថ្លែងអំណរគុណដល់ឯកឧត្តម នាយឧត្តមសេនីយ៍ ឥត សារ៉ាត់ អគ្គមេបញ្ជាការរង នាយសេនាធិការចំរុះនៃកងយោធពលខេមរភូមិន្ទ និង លោកជំទាវដែលចំណាយថវិកាជួយសាងសង់កុដិសម្រាប់ព្រះសង្ឃក្នុងវត្តគង់នៅនិងសាលាបាលីសម្រាប់ផ្តល់ចំណេះដឹងដល់ព្រះសង្ឃ។
ឯកឧត្តម សាន់ យូ ក៏បានគោរពជូនពរឯកឧត្តម នាយឧត្តមសេនីយ៍ ឥត សារ៉ាត់ និង លោកជំទាវ ព្រមទាំងបុត្រាបុត្រីនិងចៅៗសូមមានសុខភាពល្អ ជួបប្រទះតែនិងពុទ្ធពរបួនប្រការគឺ អាយុ វណៈ សុខៈ ពលៈ កុំបីឃ្លៀងឃ្លាតឡើយ៕
