ខេត្តកំពង់ឆ្នាំង ៖ នាថ្ងៃព្រហស្បតិ៍ ៣ រោច ខែបុស្ស ឆ្នាំឆ្លូវត្រីស័ក ព.ស.២៥៦៥ត្រូវនឹងថ្ងៃទី២០ ខែមករា ឆ្នាំ២០២២មហាឧបាសិកា គង់ ឈុន ព្រមទាំងកូនចៅប្រុសស្រី ,លោក សេក សុវណ្ណ និងអ្នកស្រី គឹម ខេង ព្រមទាំងបុត្រ ,ឯកឧត្ដម ឃូ សុខចាន់ និងលោកជំទាវ កង ផល្លី ព្រមទាំងបុត្រ ,ឯកឧត្ដម សុខ ធឿន និងលោកជំទាវ ទេសសក្ខរៈ ព្រមទាំងបុត្រ ,លោក គឹម ធន និងអ្នកស្រី ផាន់ នី ព្រមទាំងបុត្រ,លោក ប៊ុន ស្រ៊ុន និងលោកស្រី គឹម សុខ ព្រមទាំងបុត្រ ,លោក លី ហុង និងអ្នកស្រី គឹម ហៀង ព្រមទាំងបុត្រ នៅភូមិផ្សារសាលាលេខប្រាំ ឃុំអូរឬស្សី ស្រុកកំពង់ត្រឡាច ខេត្តកំពង់ឆ្នាំង បានរៀបចំពិធីបុណ្យអភិសេក និងសម្ពោធឆ្លងកុដិ ក្រោយពីបានកសាងរួចរាល់ នៅវត្ត ចន្ទសុរិយាក្រឡាញ់ ឃុំអូរឫស្សី ស្រុកកំពង់ត្រឡាច ខេត្ត កំពង់ ឆ្នាំង ។
ក្នុងឱកាសនោះឯកឧត្ដម ឃូ សុខចាន់ និង ឯកឧត្ដម សុខ ធឿន បានមានប្រសាសន៍ថា ៖ នៅក្នុងសម័យ ប៉ុល ពត ត្រូវ
បានពួកវាបំផ្លិចបំផ្លាញហេដ្ឋារចនាសម្ព័ន្ធខ្ទេច ជាពិសេស វិស័យព្រះពុទ្ធសាសនា ក៏ត្រូវបានបំផ្លិចបំផ្លាញ ចំណែក
ឯព្រះសង្ឃ ត្រូវបានចាប់ផ្សឹក វត្តអារាមបានក្លាយជាទីកន្លែងឃុំឃាំង។ ប៉ុន្តែក្រោយថ្ងៃរំដោះ ៧ មករា ឆ្នាំ១៩៧៩ ក្រោមការដឹកនាំប្រកបដោយកិត្តិបណ្ឌិតរបស់សម្តេចតេជោ ហ៊ុន សែន នាយករដ្ឋមន្ត្រី សម្តេចចានដាក់ចេញនូវនយោបាយ ឈ្នះ ឈ្នះ បានធ្វើអោយប្រទេសជាតិមានសុខសន្តិភាពពេញលេញ បានបន្តកសាងប្រទេសមានការអភិវឌ្ឍនិងរីកចំរើនរហូតដល់បច្ចុប្បន្នទាំងអាណាចក្រនិងពុទ្ធចក្រ។
ឯកឧត្ដម ឃូ សុខចាន់ និង ឯកឧត្ដម សុខ ធឿន តំណាងអ្នកផ្តើមកសាងក៏បានថ្លែងអំណរគុណព្រះគ្រូធម្មរតនវិជ្ជា
ឆៃ សៅ ព្រះគ្រូចៅអធិការវត្តចន្ទសុរិយាហៅវត្តក្រឡាញ់ អាចារ្យ គណៈកម្មការវត្ត ពុទ្ធបរិស័ទចំណុះជើងវត្តដែលបានសហការយ៉ាងជិតស្និតជាមួយអាជ្ញាធរដែនដីដែលបានរួមជួយកសាង កុដិសម្រាប់ព្រះសង្ឃក្នុងវត្តបានគង់នៅនិងសម្រាប់ទទួលព្រះសង្ឃនិមន្តចូលរួមក្នុងពិធីបុណ្យផ្សេងៗក្នុងស្រុកកំពង់ត្រឡាច និងអភិសេកព្រះបដិមាករសម្រាប់កូនចៅ
ជំនាន់ក្រោយគោរពបូជារួចរាល់ជាស្ថាពរ។
ឯកឧត្ដម ឃូ សុខចាន់ និង ឯកឧត្ដម សុខ ធឿន ក៏បានអំពាវនាវឲ្យព្រះសង្ឃ និងប្រជាពលរដ្ឋទាំងអស់គ្នាត្រូវតែប្រុងប្រយ័ត្នខ្ពស់ និងចូលរួមគោរព តាមគោលការណ៍របស់ក្រសួងសុខាភិបាលនិងអនុវត្តតាមអនុសាសន៍របស់សម្តេចប្រមុខរាជរដ្ឋាភិបាលគឺ ៣ការពារ ៣កុំ ដើម្បីទប់ស្កាត់នូវការឆ្លងរីករាលដាលនៃ ជំងឺកូវីដ១៩ ខណៈមេរោគបំផ្លែងខ្លួនថ្មី អូមីក្រុង កំពុងតែរីករាលដាលនៅពាសពេញពិភពលោក៕
