កាលពីយប់ថ្ងៃទី២៤ខែកក្កដា លោកអូបាម៉ា ពិសារភោជនាហារ ជាមួយមហាគ្រួរសារបងប្អូន នៅក្នុងប្រទេសគេនយ៉ា។ នេះជាដំណើរទស្សនកិច្ច ទៅកាន់ប្រទេសនេះ ជាលើកដំបូង ហើយក៏ជាលើកចុងក្រោយ ក្នុងតំណែងប្រធានាធិបតីអាមេរិក ទៅកាន់ស្រុកកំណើតរបស់ឪពុក។
យន្តហោះដឹកលោកអូបាម៉ា បានចុះចត់នៅអាកាសយានដ្ឋានទីក្រុង គេនយ៉ា កាលពីរសៀលថ្ងៃទី២៤ខែកក្កដា ។ នៅយប់នោះ លោកបានចូលរួមពិសាអាហារ ជាមួយគ្រួសារបង្អូន ក្នុងប្រទេសគេនយ៉ា។ ក្នុងពេលពិសារអាហារ លោកអូបាម៉ា បានជួបជាមួយស្ត្រីវ័យចំណាស់ម្នាក់ ដែលលោកហៅថា លោកយាយ ឬMama Sarah ដោយសារតែ លោកយាយជា អ្នកចិញ្ចឹមបិបាច់ឪពុក របស់លោកដែលបានស្លាប់ហើយនោះ។
ក្នុងដំណើរទស្សនកិច្ចរយពេល២ថ្ងៃ លោកអូបាម៉ា នឹងជួបពិភាក្សា ជាមួយប្រធានាធិបតីគេនយ៉ា លោកUhuru Kenyatta និងមន្ត្រីជាន់ខ្ពស់នៅក្នុងជួរដ្ឋាភិបាល។ តាមគម្រោង នៅក្នុងជំនួបនោះ លោកនិងពិភាក្សាអីពីពាណិជ្ជកម្ម សេដ្ឋកិច្ចវិនិយោគ។ ក្រៅពីនេះ បញ្ហាប្រឆាំងក្រុមភេរវកម្ម គឺជាប្រធានបទដ៏សំខាន់មួយ ក្នុងការទប់ស្កាត់ក្រុមភេរវកម្ម នៅទ្វីអាហ្វ្រិក៕
