គ្រោះថ្នាក់ចរាចរណ៏បណ្ដាលឲ្យមនុស្សម្នាក់ស្លាប់ភ្លាមៗនៅនឹងកន្លែងកើតហេតុស្ថិតនៅតាមបណ្តោយផ្លូវជាតិលេខ៦ ក្នុងភូមិបល្ល័ង្ក សង្កាត់ដំរីជាន់ខ្លា ក្រុងស្ទឹងសែន

ខេត្តកំពង់ធំ៖ ប្រភពព័ត៌មានពីប្រជាពលរដ្ឋដែលរស់នៅក្បែកន្លែងកើតហេតុបានឲ្យដឹងថា ហេតុការណ៍នេះបានកើតឡើងកាលពីវេលាម៉ោង២.១៥នាទីរសៀល ថ្ងៃទី២១ ខែឧសភាឆ្នាំ២០១៥
ឋិតនៅក្នុងភូមិបល្ល័ង្ក សង្កាត់ដំរីជាន់ខ្លា ក្រុងស្ទឹងសែន មុនពេលកើតហេតុគេឃើញរថយន្ត និងម៉ូតូបើកបរស្របទិសគ្នាជើងទៅត្បូង ជាមួយនិងរថយន្តកាមរីពណ៌ខ្មៅ លុះមកដល់ចំនុចកើតហេតុខាងលើ ម៉ូតូម៉ាកសង់សេ១២៥ពណ៌ខ្មៅសេរី២០០៨ បានបើកវ៉ា រថយន្តកាមរីពណ៌ខ្មៅ ចៃដន្យប៉ះដៃចង្កូតជាមួយនិងរថយន្តកាមរីដែលបើកស្របទិសគ្នានោះ ក៏បានដួលម៉ូតូ ហើយខ្ទាតមនុស្សទៅចូលចំណែកផ្លូវម្ខាងទៀត គាប់ជួនពេលនោះរថយន្តដឹកថ្មមកដល់ល្មម ជាន់ហ្វ្រាំងមិនទាន់ក៏កិនចំ១កំណាត់ត្រឹមដើមទ្រូងនឹងក្បាល់តែម្តង បណ្តាលឲ្យផ្ទុះខួរបែកល លាក្បាលស្លាប់ភ្លាមៗ នៅនិងកន្លែងកើតហេតុតែម្តងទៅ!
បើតាមសម្តីរបស់សាច់ញាតិជនរងគ្រោះប្រាប់ថា ជនរងគ្រោះ ឈ្មោះ ក្តិប ផុន ភេទប្រុសអាយុ៤៣ឆ្នាំរស់នៅភូមិមនាវ សង្កាត់ស្រយ៉ូវ ក្រុងស្ទឹងសែន មានមុខរបរធ្វើស្រែ នៅមុន ពេលកើតហេតុជនរងគ្រោះ ឈ្មោះ ក្តិប ផុន បានជិះម៉ូតូមកស៊ីការបងប្អូននៅអាគារ គឹម សេង លុះដល់ពេលត្រឡប់ទៅផ្ទះវិញ ក៏ជួបនិងគ្រោះថ្នាក់ចរាចរណ៏នេះតែម្តងទៅ! ចំណែក ខាងរថយន្តកាមរីបានបើកគេចខ្លួនបាត់ សមត្ថកិច្ចកំពង់តែតាមរកនៅពុំទាន់ញើញនៅឡើយ! រីឯអ្នកបើកបររថយន្តដឹកថ្មត្រូវបានឃាត់ខ្លួន មានឈ្មោះ ឌី រតនា ភេទប្រុសអាយុ២៥ឆ្នាំ រស់នៅ ភូមិថ្នល់បែក ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ ជាអ្នកបើកបររថយន្តពណ៌ ឈាមជ្រូក គ្មានស្លាកលេខ ដឹកថ្មឲ្យក្រុមហ៊ុនចិនសៀងហៃ SCG ធ្វើផ្លូវ។ ក្រោយពេលកើតហេតុ សពជនរងគ្រោះត្រូវបានប្រគល់ជូនសាច់ញាតិ យកទៅធ្វើបុណ្យតាមប្រពៃណី ចំណែករថយន្តដឹកថ្ម និងអ្នកបើកបរ សមត្ថកិច្ចកំពុងចាត់ការទៅតាមផ្លូវច្បាប់។
ដោយ សុុផាត