ខេត្តបាត់ដំបង ៖ ពត៌មានទទយលបានជាបឋម មានហេតុការណ៏អគ្គិភ័យឆាបឆេះផ្ទះមួយខ្នងដោយសារតែបុរសម្នាក់បានផ្ទេរប្រេងសាំងពីរថយន្តស៊ីទែន កាលពីល្ងាចថ្ងៃទី២០ ខែតុលា ឆ្នាំ២០២១ នៅវេលាម៉ោង ១៦និង០០ ស្ថិតនៅចំណុចក្រុមទី១៥ ភូមិឈើទាល ឃុំឈើទាល ស្រុកបាណន់ ខេត្តបាត់ដំបង ។
ប្រភពពីសម្ថកិច្ចមូលដ្ធានដែលនៅកន្លែងកើតហេតុបានឲ្យដឹងថា នៅថ្ងៃទី២០ ខែតុលា ឆ្នាំ២០២១ ថា មានករណីអគ្គិភ័យបានកើតឡើងបណ្តាលឲ្យឆេះផ្ទះចំនួន០១ខ្នងទំហំ ១២x៨ មែត្រ កម្ពស់បីជាន់ របស់ម្ចាស់ឈ្មោះ ម៉ាន់ ចៃ ភេទ ប្រុស អាយុ ៤៩ ឆ្នាំ រស់នៅភូមិឃុំកើតហេតុខាងលើ។
សម្ថកិច្ចដដែលបានបន្តឲ្យដឹងទៀតថា នៅក្នុងហេតុការនោះដែរ ក្រុមការងារនគរបាលជំនាញមិនទាន់បញ្ជាក់ឲ្យដឹងថាខូតខាតទ្រព្យសម្បត្តិអ្វីផ្សេងអស់ប៉ុន្មាននៅឡើយទេ។នៅក្នុងនោះដែរបានរងរបួសមនុស្សចំនួន ០១ នាក់ បានបញ្ជូនទៅមន្ទីរពេទ្យខេត្តបាត់ដំបង ជាអ្នកបើកបររថយន្តដឹកសាំង ។
មូលហេតុគឺបណ្តាលមកពីអ្នកបូមសាំងផ្ទេរពីរថយន្ត ទៅស៊ីតែនមិនបានប្រុងប្រយ័ត្ន ទើបបណ្តាលអោយឆេះរថយន្តរាលឆ្លងដល់ផ្ទះតែម្តង ។
គួររំលឹកដែរថា កិច្ចប្រតិបត្តិការនៅត្រង់ចំណុចខាងលើនេះដែរបានបញ្ចប់ត្រឹមម៉ោង២០និង០០នាទីយប់ ហើយកម្លាំងនគរបាលស្រុកនឹងខេត្តបានប្រើប្រាស់រថយន្តពន្លត់អគ្គិភ័យអស់ទឹកចំនួន១១គ្រឿងផងដែរ ៕
