ខេត្តបន្ទាយមានជ័យ ៖ ដែករ៉ៃ កំណល់បេតុងនិងគ្រឿងបរិក្ខារក្រចាប់ផ្លូវរថភ្លើងជាជំនួយរបស់រាជរដ្ឋាភិបាលថៃ ជើងទី១ បានមកដល់ប៉ោយប៉ែតហើយនៅថ្ងៃទី១៨ ខែតុលា ឆ្នាំ១២០២១ ម្សិលមិញ ។ សម្ភារៈបរិក្ខាទាំងនោះសម្រាប់យកទៅជួសជុលកំណាត់ផ្លូវដែកពីមង្គលបូរីទៅខេត្តបាត់ដំបង និងទៅខេត្តពោធិសាត់ បន្តទៀត ។
ពិធីប្រគល់និងទទួលបានធ្វើលើស្ពានដែកនៃព្រំដែនកម្ពុជា ថៃឆ្លងអូរជ្រៅនៅក្រុងប៉ោយប៉ែត-ស្រុកអារញ្ញ ដោយមានតំណាងភាគីទាំងពីរនិងកងកម្លាំងសមត្ថកិច្ចចូលរួម ។
សូមរំលឹកថា ផ្លូវដែកទិសខាងជើងរបស់ប្រទេសកម្ពុជាបានភ្ជាប់ជាមួយផ្លូវដែកទិសខាងកើត ឦសានថៃ បានភ្ជាប់គ្នាឡើងវិញនៅឆ្នាំ២០១៨ ហើយថ្នាក់ដឹកនាំរាជរដ្ឋាភិបាលកម្ពុជា និងថៃ បានអញ្ជើញសម្ពោធការតភ្ជាប់នោះ ព្រមទាំងប្រគល់ ទទួលក្បាលនិងទូររថភ្លើង ហើយបានជិះរថភ្លើងឆ្លងព្រំដែនទៅ មក ចុះនៅស្ថានីយ៍ខ្លងលឹកថ្មីរបស់ថៃ និងស្ថានីយ៍ប៉ោយប៉ែតរបស់កម្ពុជាផងដែរ ។
មុននោះនិងបន្ទាប់ពីសម្ពោធនោះ ខ្សែរថខាងកម្ពុជា ដែលដំណើរការដោយក្រុមហ៊ុនរ៉ូយ៉ាល់រ៉េវ៉េ(Royal Railway ) បានរត់ដឹកអ្នកដំណើរសាកល្បងដោយគិតថ្លៃមួយរយ: ។ ដឹកទំនិញក៏បានខ្លះ រួចក៏ផ្អាកវិញ ដើម្បីកែសម្រួលលើការងារមួយចំនួន ៕
