ក្រុមអ្នកញៀនល្បែងអាប៉ោងចំនួន២២នាក់ត្រូវបានលោកព្រះរាជអាជ្ញាបញ្ជាឲ្យកំលាំងនគរបាលខេត្តកំពង់ធំចុះបង្ក្រាបទាំងសំបុក

ខេត្តកំពង់ធំ៖ ប្រភពពត៌មានពីលោកវរៈសេនីយ៏ទោ ទិត្យ សំណាង នាយរងការិយាល័យនគរបាល
ព្រហ្មទណ្ឌកំរិតស្រាលនៃស្នងការដ្ឋាននគរបាលខេត្តកំពង់ធំ បានឲ្យដឹងថា!កាលពីរសៀលថ្ងៃទី១៦ ខែកក្កដា ឆ្នាំ២០១៥ បន្ទាប់ពីទទួលបានបទបញ្ជាពីលោក អ៊ិត សុធា ព្រះរាជអាជ្ញា
អមសាលាតំបូងខេត្តកំពង់ធំ លោក សាយ ណូរ៉ា ព្រះរាជអាជ្ញាបានដឹកនាំកំលាំងការិយា
ល័យនគរបាលព្រហ្មទណ្ឌខេត្ត ចុះបង្ក្រាបល្បែងអាប៉ោង១កន្លែងស្ថិតនៅក្នុងភូមិក្រវ៉ា ឃុំក្រវ៉ា ស្រុកបារាយណ៏ ឃាត់ខ្លួនបានមនុស្សប្រុសស្រីចំនួន២២នាក់ ក្នុងនោះស្រី០៥នាក់រួមជាមួយ
រថយន្តលុចស៊ីស៣០០ពណ៌ ខ្មៅ១គ្រឿងពាក់ស្លាកលេខភ្នំពេញ 2N 1164 រថយន្តកាមរីគូត
ស្វិត១គ្រឿង ម៉ូតូ១៣គ្រឿង ហាន់តោ ០១ មេអាប៉ោងចំនួន១០ និងសម្ភារៈ១ចំនួនទៀត នាំ
មកកាន់ស្នងការដ្ឋាននគរបាលខេត្តកំពង់ធំ នៅល្ងាចថ្ងៃដដែលដើម្បីកសាងសំនុំរឿង បញ្ជូនទៅកាន់សាលាតំបូងខេត្តចាត់ការតាមផ្លូវច្បាប់!ក្នងនោះដែរ
ប្រជាពលរដ្ឋនាំគ្នានិយាយរិះគន់ថា វង់ល្បែងស៊ីសងអាប៉ោងដុះស្លែនេះអាចដំណើរទៅ បានដោយរលូន នៅជិតប៉ុស្តិរដ្ឋបាលឃុំក្រវ៉ានោះ ក៏ដោយសារតែមានការឃុបឃិតគ្នាបង់
លុយឲ្យលោកអនុសេនីយ៏ឯក ប្រាក់ ផាន់ណូ មេប៉ុស្តិរដ្ឋបាលឃុំក្រវ៉ា និងលោក ស្រី ចាន់ស៊ី
ណា អធិការងស្រុកបារាយណ៏ និងជាប្រធានការិយាល័យព្រហ្មទ័ណ្ឌកំរិតធ្ងន់ផងដែរ បើមិន ដូច្នោះទេនោះ គឺគេមិនអាចបើកវង់អាប៉ោងដ៏ធំនេះបានទេ។ ម្យ៉ាងវិញទៀតក្នុងករណីចុះបង្ក្រាបនេះផងដែរ បើសិនណាជាហ៊ាននាំយកកំលាំងនគរបាលស្រុកបារាយណ៏ទៅបង្ក្រាបនោះ គឺច្បាស់ជាបែកការណ៏អស់ជាមិនខាន ជាក់ស្តែងនៅក្នុងទឹកដីនៃស្រុកបារាយណ៏នេះគឺពោរ ពេញទៅដោយល្បែងស៊ីសងគ្រប់ប្រភេទ រួមមាន បៀរ អាប៉ោង កន្ទុយលេខ និងជល់មាន់ជា ដើម ដែលជាហេតុធ្វើឲ្យស្រុកនេះសំបូរទៅដោយអំពើចោរកម្មគ្រប់ប្រភេទ បណ្តាលឲ្យជះ ឥទ្ធិពលមិនល្អ ដល់គោលនយោបាយភូមិឃុំមានសុវត្ថិភាពទាំង០៩ចំនុច ដែលក្រសួងមហាផ្ទៃដាក់ឲ្យ ពួកគាត់សំនូមពរសូមឲ្យលោកស្នងការនគរបាលខេត្តកំពង់ធំ មានវិធានការឲ្យ
បានតឹងរឹងបំផុតចំពោះបញ្ហាខាងលើនេះ!
ចំណែកលោក សួង ថេន អធិការដ្ឋាននគរបាលស្រុកបារាយណ៏ ប្រាប់ថាចំពោះករណី ល្បែងស៊ីសងខាងលើលោកពុំបានដឹងនោះទេ! ពីព្រោះប៉ុស្តិមិនបានរាយការណ៏មកលោក!ហើយ កន្លងមកក៏ធ្លាប់បង្ក្រាបដែរ តែពួកគាត់មិនចេះរាងចាល។
ដោយសុផាត