ខេត្តបន្ទាយមានជ័យ ៖ កាលពីរសៀលថ្ងៃទី២១ ខែកញ្ញា ឆ្នាំ២០២១ ក្នុងដំណើរអញ្ជើញចុះពិនិត្យជាក់ស្តែងនៅច្រកទ្វាអន្តរជាតិប៉ោយប៉ែត និងច្រកស្ទឹងបទ និងបើកកិច្ចប្រជុំពិភាក្សាការងារមួយចំនួន ដែលក្រសួងសាធារណៈការនិងដឹកជញ្ជូន សហការជាមួយទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន(JICA) ដែលកំពុងអនុវត្តលើម្រោងនៃការធ្វើឲ្យប្រសើរឡើងនូវប្រព័ន្ធភ័ស្តភារកម្មជំហានទី២ សម្រាប់រយះពេល៣ឆ្នាំ នៅទីស្នាក់ការច្រកទ្វាអន្តរជាតិប៉ោយប៉ែត ក្រោមអធិបតីភាពលោក លី សារី អភិបាលរង ខេត្តបន្ទាយមានជ័យ និងលោក កូបាយ៉ាស៊ី កេនីឈី ប្រធានទីប្រឹក្សាអង្គការ JICA នៃគម្រោងកែលម្អប្រព័ន្ធភស្តុភារ ប្រទេសកម្ពុជា(KOBAYASHI Kenichi JICA Chief Advisor of the Project for Improving the Logistics System of Cambodia, MPWT) ក្នុងនោះក៏មានការអញ្ជើញចូលរួមពីមន្ត្រីនៃស្ថាប័នពាក់ពន្ធ័រួមមាន ប្រធានមន្ទីរសាធារណៈការ និងដឹកជញ្ជូនខេត្ត ប្រធានច្រកទ្វាអន្តរជាតិប៉ោយប៉ែត អន្តោប្រវេសន៍ និងគយ ផងនោះ លោក លី សារី អភិបាលរងខេត្ត បានស្នើឲ្យក្រសួង និងទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន ធ្វើការសិក្សាលំអិតបន្ថែមទៀត ទៅលើគម្រោងដែលកំពុងអនុវត្ត ដើម្បីបញ្ជៀសការស្ទះទឹកភ្លៀង ទឹកស្អុយពីព្រោះនៅថ្ងៃអនាគត់ក្រុងប៉ោយប៉ែត នឹងមានការរីកចំរើនលើគ្រប់វិស័យ ហើយក៏ជាគ្រាប់ពេជ្យមួយសម្រាប់ខេត្តបន្ទាយមានជ័យផងដែរ ដូច្នេះវិស័យសំណង់នឹងមានការកើនឡើងជាហេតុធ្វើឲ្យចាលទឹកបង្កឲ្យជាស្អុយជាក់ជាមិនខាន ដោយបច្ចុប្បន្ននូវមិនទាន់កើតមាននៅឡើយក៏ពិតមែន ក៏ប៉ុន្តែនៅថ្ងៃអនាគត់នឹងអាចកើតមាន។
អភិបាលរងខេត្ត ដ៏បានគូសបញ្ជាក់ដែរថា ការគ្រោងបើកច្រកឡើងវិញជាបណ្តោះអាសន្ននោះ រដ្ឋបាលខេត្តបន្ទាយមានជ័យ បានត្រៀមរួចជាស្រាចគឺមានកម្លាំងគយ កម្លាំងអន្តោប្រវេសន៍ ក្រុមគ្រូពេទ្យ និងឧបករណ៍ពិនិត្យ ក៏បន្តែដោយសារភាគីថៃមានការផ្លាសប្តូអភិបាលខេត្តស្រះកែវ ទើបមានការយឺតយាវបែបនេះ។ក្នុងនោះលោកអភិបាលរងខេត្តក៏បានជជែកពីផលប៉ះពាល់ដល់ប្រជាពលរដ្ឋនៅពេលដឹកទំនិញចុះពីស្ពានស្ទឹងបទចូលក្នុងភូមិផងដែរ ដើម្បីបញ្ជៀសនូវគ្រោះថ្នាក់ជាយថាហេតុណាមួយទៅលើប្រជាប្រជាពលរដ្ឋ៕
