ផ្ទះលេងល្បែងស៊ីសងមួយកន្លែង ត្រូវប៉ូលីសបង្រាប ឃាត់ខ្លួនអ្នកលេង១៧នាក់

ភ្នំពេញ៖កាលពីថ្ងៃទី១៨កក្កដា ទីតាំងលេងល្បែងសីុសងបៀមួយកន្លែង នៅផ្ទះលេខ១០A ផ្លូវ២៤៣ ក្នុងក្រុមទី១១ ភូមិ២ សង្កាត់ផ្សារដើមគរ ខណ្ឌទួលគោក ត្រូវបានបង្ក្រាប ពីសំណាក់កម្លាំងសមត្ថកិច្ច ជំនាញការិយាល័យព្រហ្មទណ្ឌកម្រិតធ្ងន់ នៃស្នងការដ្ឋាននរគបាលរាជធានីភ្នំពេញ ដឹកនាំដោយ លោក វរៈសេនីយ៍ត្រីតី វិសាល នាយរងការិយាល័យ ។

ប៉ូលិសឱ្យដឺងថា ទីតាំងផ្ទះលេងល្បែងស៊ីសងដែលបង្ក្រាបនោះ មានម្ចាស់ទីតាំងឈ្មោះអ៊ូរ សុធា ភេទស្រីអាយុ៤១ឆ្នាំ មុខរបរមិនពិតប្រាកដ ស្នាក់នៅផ្ទះលេខ១០A ផ្លូវ២៤៣ ក្នុងក្រុមទី១១ ភូមិទី២ សង្កាត់ផ្សារដើមគរ ខណ្ឌទួលគោក ។ ហើយក្នុងប្រតិបតិ្តការណ៏បង្ក្រាប ផ្ទះលេងល្បែងស៊ីសងខាងលើនោះ ប៉ូលីសឃាត់ខ្លួនអ្នកលេងចំនួន១៧នាក់ រួមទាំងវត្ថុតាងបៀជាច្រើនប្រអប់ និងលុយមួយចំនួនផងដែរ ។ជនសង្ស័យបាន បញ្ជូន ទៅកាន់ការិយាល័យព្រហ្មទណ្ឌកម្រិតធ្ងន់ នៃស្នងការដ្ឋាននរគបាលរាជធានីភ្នំពេញ ដើម្បីចំណាត់ការបន្តតាមនីតិវិធី ៕

ប្រជាពលរដ្ឋដែលរស់នៅក្បែរផ្ទះបើកលេងល្បែងខាងលើ សុំមិនបញ្ចាញឈ្មោះបាននិយាយថា ផ្ទះបើកលេងល្បែងស៊ីសងខាងលើនេះ បានបើកលេងជាយូមកហើយ តែគ្មានសមត្ថកិច្ចឬអាជ្ញាធរមូលដ្ឋានណាម្នាក់អើពើ និងចាត់វិធានការនោះទេ ។ ទើបតែលើកនេះ មានការបង្ក្រាបពីសំណាក់កម្លាំងប៉ូលិសការិយាល័យព្រហ្មទណ្ឌកម្រិតធ្ងន់ នៃស្នងការដា្ឋននគរបាលក្រុង ឃាត់ខ្លួនមនុស្សបដែលកំពុងលេងចំនួន១៧នាក់ ក្នុងនោះ ប្រុស៣នាក់ រួមទាំងដកហូតវត្ថុតាងបៀរសម្រាប់លេងផងដែរ ដែលពួកគាត់គាំទ្រ ដើម្បីភូមិឃុំមានសុវត្តិភាព។