ខេត្តបាត់ដំបង ៖ មានករណីប៉ុនប៉ងរំលោភសេពសន្ថវៈ មួយបានកើតឡើង បង្កដោយជនសង្ស័យ ឈ្មោះខុម សុឃឿន ភេទប្រុស អាយុ៣០ឆ្នាំ រស់នៅឃុំព្រៃស្វាយ ស្រុកមោងឫស្សី ខេត្តបាត់ដំបង បានធ្វើសកម្មភាពចូលទៅក្នុងមុងប៉ុនប៉ងរំលោទសេពសន្ថវៈលើជនរងគ្រោះឈ្មោះ ស.អ ភេទស្រី អាយុ២៦ឆ្នាំ ទីលំនៅកន្លែងកើតហេតុខាងលើ ប៉ុន្តែត្រូវបានជនរងគ្រោះរើបម្រាស់ស្រែកឆោឡោឡើង ទើបជនសង្ស័យមិនអាចប្រព្រឹត្តសកម្មភាពបានសម្រេច រួចរត់គេចខ្លួនពីទីនោះតែម្ដង នៅវេលាយប់ថ្ងៃទី៣០ ខែ សីហា ឆ្នាំ២០២១ វេលាម៉ោង២៣និង៣០នាទី នៅចំណុចភូមិព្រៃស្វាយ ឃុំព្រៃស្វាយ ស្រុកមោងឫស្សី ខេត្តបាត់ដំបង។
ភ្លាមៗជនរងគ្រោះបានរាយការណ៍មកសមត្ថកិច្ចនគរបាល។សមត្ថកិច្ចនគរបាលស្រុកមោងឬស្សីក៏បានបើកការស្រាវជ្រាវរហូតនាំខ្លួនជនសង្ស័យខាងលើ នៅថ្ងៃទី៣១ខែសីហាឆ្នាំ ២០២១ វេលាម៉ោង៩និង០០នាទីព្រឹកនៅចំណុចមូលដ្ឋានកើតហេតុបញ្ជូនមកអធិការដ្ឋាននគរបាលស្រុកមោងឫស្សី ដើម្បីចាត់ការតាមផ្លូវច្បាប់៕
នគរបាលស្រុកមោងឬស្សី ឃាត់ខ្លួនបុរសម្នាក់ ពីបទប៉ុនប៉ងរំលោភសេពសន្ថវៈ លើស្រី្តអាយុ២៦ឆ្នាំ
Filed in: សន្តិសុខ សង្គម
