កោះកុង: សំណុំរឿងបរិហាកេរ្តិ៍សាធារណតាមបណ្តាញសង្គម(facebook) រវាងលោកម៉េង តិចអនុប្រធានមន្ទីរបរិស្ថានខេត្តកោះកុងជាដើមបណ្តឺង និងលោកយួន ឈីវ ភ្នាក់ងារកាសែតថ្ងៃនេះជាចុងចោទ ត្រូវបានតុលាការខេត្តកោះកុងបើកសវនាការជំនុំជំរះក្តី ប្រកាសសាលក្រមជាស្ថាពររួចហើយ ដោយលោកចៅក្រមប៊ុន ធី កាលពីព្រឺកថ្ងៃទី១៦កក្តដាឆ្នាំ២០១៥នេះ កំណត់ឲ្យខាងភាគីចុងចោទអ្នកកាសែតចាញ់ក្តី យ៉ាងអយុត្តិធ៍ម។
គួររំលឹកថា សាលក្រមនឹងត្រូវប្រកាសនៅថ្ងៃទី២៤ ខែក្កកដា តែសាលាដំបូងខេត្តលើកមកប្រកាសថ្ងៃ១៦ កក្កដាវិញ។
ក្នុងសាលក្រម នោះ បានបង្គាប់ឲ្យលោកយួន ឈីវ បង់ប្រាក់ចំនួន២លានរៀលចូលថវិការដ្ឋ និងបង់ប្រាក់សងជំងឺចិត្តទៅឱ្យលោកម៉េង តិច អនុប្រធានមន្ទីរបរិស្ថានខេត្តកោះកុងជាដើមបណ្តឹង ចំនួន២លានរៀលទៀតផងដែរ ។
ការប្រកាសសាលក្រមរបស់តុលាករខេត្តកោះកុងនោះ លោកយួន ឈីវដែលជា ចុងចោទ ច្រានចោលទាំងស្រុងដោយរិះគន់ថា វាជារឿងអយុត្តិធម៌ណាស់សម្រាប់រូបគាត់ ។ លោកយួន ឈីវនិយាយថា កាលពីចុងឆ្នាំ២០១៤ លោកបានដាក់ពាក្យប្តឹងលោកម៉េង តិច ក្រោយពីអនុប្រធានមន្ទីរបរិស្ថានរូបនោះ បានវាយដំលើប្រើអំពើហឹង្សារូបលោកខណៈដែលចុះទៅយកព័ត៌មាន ។ ប៉ុន្តែតុលាការខេត្តនឹងស្ថាប័នអយ្យការអមសាលាឧទ្ធរណ៍មិនបានចាត់ការបណ្តឹងរបស់លោកនោះទេ ផ្ទុយទៅវិញតុលាការខេត្តបែជាចាត់ការតែតាមបណ្តឹងរបស់លោកម៉េង តិចវិញ ដែលប្តឹងរូបលោកកាលពីខែមីនាឆ្នាំ២០១៥ ។ ក្រោយពីរូបលោកបង្ហោះព័ត៌មាននៅក្នុងបណ្តាញសង្គមfacebookថា ផ្ទះរបស់លោកម៉េង តិច អនុប្រធានមន្ទីរបរិស្ថានខេត្តកោះកុងនោះ មានបើកលេងល្បែងស៊ីសង ។
លោកយួន ឈីវអ្នកសារព័ត៌មានកាសែតថ្ងៃនេះដែលចាញ់ក្តីយ៉ាងអយុត្តិធ៏មបានឱ្យដឺងថា លោកមានគំរោងនឹងដាក់ពាក្យប្តឹងជំទាស់ ទៅខាងសាលាឧទ្ធរណ៍ ប្រឆាំងនឹងសាលក្រមនោះ ៕
ទន្ទឹមនោះដែរ អ្នកសារព័តមានកំពុងតស៊ូមតិថាតើពួកគេប្រើបណ្តាញសង្គម ក្នុងការផ្សាយព័តមានបឋម ត្រូវរងនូវការចោទប្រកាន់អំពីច្បាប់ដែររឺទេ ដូចករណីលោកយួនឈីវជាដើមដែលជាភាពអយុត្តិធ៏មចំពោះអ្នកកាសែត។
មួយវិញទៀត លោកយួនឈីវក៏នឹងមានគំរោងប្តឹងសារទុក្ខទៅក្រសួងយុត្តិធ៍មរកយុត្តិធ៍មចំពោះបណ្តឹងរបស់លោកដែលសាលាក្តីទាំង២ថ្នាក់មិនចាត់ការនាពេលកន្លងមក។
