ខេត្តតាកែវ ៖ នគរបាលខេត្តតាកែវ បានបន្តចុះបង្ក្រាបបទល្មើសដំណាំកញ្ឆាខុសច្បាប់ដែលជនខិលខូចលួចដាំខុសច្បាប់ចំនួន ០៥ទីតាំង នៅចំណុចខាងលើទឹកទូងៗ ស្ថិតក្នុងភូមិសាស្ត្រ ឃុំតាអូរ ស្រុកគិរីវង់ កាលពីថ្ងៃទី១១ ខែសីហា ឆ្នាំ២០២១ ។
ក្នុងប្រតិបត្តិការនោះ នគរបាលខេត្តតាកែវ បានកាប់បំផ្លាញដំណាំកញ្ឆាចំនួន ៥ទីតាំង ដែលមានផ្ទៃដីដាំដុះប្រមាណ ៣១៨៩ម៉ែត្រការ៉េ និងអាងស្តុបទឹកចំនួន០៤អាងផងដែរ ។
បច្ចុប្បន្នកម្លាំងជំនាញកំពុងស្រាវជ្រាវស្វែងរកម្ចាស់ទីតាំងជាអ្នកដាំដំណាំកញ្ឆាខាងលើ ដើម្បីយកមកផ្តន្ទាទោសតាមផ្លូវច្បាប់ ៕
