រាជធានីភ្នំពេញ៖សម្តេចតេជោហ៊ុនសែននាយករដ្ឋមន្ត្រីនៃព្រះរាជាណាចក្រកម្ពុជាបានអំពាវនាវឲ្យលោកសុខប៊ុនចូលខ្លួនបំភ្លឺភ្លាមៗកុំឲ្យគេវាយខ្នោះទាន់។សម្តេចថ្លែងបែបនេះក្នុងឱកាសអញ្ជើញជាអធិបតីភាព ក្នុងពិធីប្រគេន-ប្រគល់សញ្ញាបត្រ វិញ្ញាបនបត្រ ដល់សមណនិស្សិត និស្សិត និងគ្រូជ័យលាភីនៃពុទ្ធិកសាកលវិទ្យាល័យព្រះសីហនុរាជ នៅវិទ្យាស្ថានជាតិអប់រំ រាជធានីភ្នំពេញ នាព្រឹកថ្ងៃទី ១៦ ខែ កក្កដា ឆ្នាំ ២០១៥ នេះ ។
សម្តេចតេជោបានមានប្រសាសន៍ថា សម្តេច និងភរិយាសូមចូលរួមរំលែកការឈឺចាប់ជាមួយកញ្ញា សាសា។
ព្រះរាជអាជ្ញានៃសាលាដំបូងរាជធានីភ្នំពេញចេញដីកាសន្និដ្ឋានបញ្ជូនរឿងឲ្យស៊ើបសួរក្រោមបទចោទប្រកាន់លោកឧកញ៉ាសុខប៊ុនដែលមានកេរ្តិ៍ឈ្មោះអាស្រូវប្រើហិង្សាលើអតីតពិធីការិនីទូរទស្សន៍ កញ្ញា សាសា ពីបទហិង្សាដោយចេតនាមានស្ថានទម្ងន់ទោស និងអង្គរក្ស ពីបទ ប៉ុនប៉ងមនុស្សឃាត និងប្រើប្រាស់អាវុធដោយគ្មានការអនុញ្ញាត។
យោងតាមដីការ តុលាការរាជធានីភ្នំពេញចេញកាលពីម្សិលមិញបាន សម្រេចដាក់ឈ្មោះ សុខ ប៊ុន ភេទប្រុស អាយុ៣៧ឆ្នាំ និងជនមិនស្គាល់ឈ្មោះ ជាអង្គរក្ស កំពុងរត់គេចខ្លួនទាំងពីរ ឲ្យស្ថិតក្រោមការពិនិត្យ និងចាប់ឃុំខ្លួនបណ្តោះអាសន្ន ។
គួររំលឹកថា រឿងលោក សុខ ប៊ុន វាយដំលើកញ្ញា សាសា កំពុងពុះកញ្ច្រោល គ្រប់ប្រព័ន្ធពត៌មាននិងសាធារណជន សំខាន់ថ្នាក់ដឹកនាំ បាបចាប់អារម្មណ៏ នឹងកំពុងតាមដានយ៉ាងយកចិត្តទុកដាក់៕
