ខេត្តកណ្តាល ៖ ទីតាំងស្តុបទុកលក់ និងចែកចាយនូវអាកុល-ម៉ាស់របស់ជនជាតិវៀតណាម និងខ្មែរចំនួន10កន្លែង ដែលសង្ស័យគ្មានច្បាប់អនុញាតពីក្រសួងសុខាភិបាល ត្រូវបានកម្លាំងប៉ូលិសសេដ្ឋកិច្ចខេត្តកណ្តាល ដឹកនាំដោយលោកឧត្តមសេនីយ៍ត្រី លី សុជាតិ ស្នងការរងនគរបាលខេត្តកណ្តាល សហការជាមួយកម្លាំងគណៈបញ្ជាការឯកភាពស្រុកលើកដែក មានអភិបាលរងស្រុក សុខាភិបាលស្រុក មេឃុំ មេភូមិ ប៉ូលិស ប៉េអឹម ប្រជាការពារភូមិ ដឹកនាំដោយលោក ចាប ច័ន្ទវិទ្យា អភិបាលស្រុកលើកដែក ចុះបង្ក្រាបជាបន្តបន្ទាប់។
ប្រតិបត្តិការនេះធ្វើរយៈពេល3ថ្ងៃពេញ គឺចាប់ពីថ្ងៃទ31 ខែកក្កដា ដល់ថ្ងៃទី2 ខែសីហា ឆ្នាំ2021 នៅចំណុចភូមិស្ពានដែក និងភូមិកំពង់ចម្លង ឃុំព្រែកទន្លាប់ ស្រុកលើកដែក ខេត្តកណ្ដាល។ ដោយនៅភូមិស្ពានដែក មាន៧ទីតាំង ៖
១-ផ្ទះឈ្មោះ ដង ធីសឿង ភេទស្រី អាយុ៥០ឆ្នាំ ជនជាតិវៀតណាម
-ដកហូត អាកុល=៦៩កាន
-ម៉ាស់=២១២កេស
២-ឈ្មោះ ង្វៀង ធីជាង ភេទស្រី អាយុ៣៩ឆ្នាំ ជនជាតិវៀតណាម
-ដកហូត អាកុល=២.៥កាន និង១០៨ដប(ចំណុះ៥០០ml)
-ម៉ាស់០៦កេស និង២៧៨ប្រអប់
៣-ឈ្មោះ ដាំង យុាំងង្វៀង ភេទប្រុស អាយុ៥០ឆ្នាំ ជនជាតិវៀតណាម
-ដកហូត អាកុល=៣៦០ដប(ចំណុះ៥០០ml)
-ម៉ាស់=០៨កេស
៤-ឈ្មោះ ជួន ស្រីនាង ភេទស្រី អាយុ៣១ឆ្នាំ ជនជាតិខ្មែរ
-ដកហូត ម៉ាស់=១២កេស និង២៥៥០ប្រអប់
៥-ឈ្មោះ ង្វៀង យ៉ាំងម៉ាំង ភេទប្រុស អាយុ៤៨ឆ្នាំ ជនជាតិវៀតណាម
-ដកហូត អាកុល=១៧កាន
៦-ឈ្មោះ ង្វៀង យុាំងជាំង ភេទប្រុស អាយុ២៣ឆ្នាំ ជនជាតិវៀតណាម
-ដកហូត ម៉ាស់=០៧កេស
៧-ឈ្មោះ ង្វៀង ធីហាន់ ភេទស្រី អាយុ២៤ឆ្នាំ ជនជាតិវៀតណាម
-ដកហូត អាកុល=៥៦កាន
-ម៉ាស់=៣៩កេស
-ម៉ូតូ០១គ្រឿង ម៉ាក់ហុងដា សេ១២៥ ពណ៍ទឹកប៊ិច ស៊េរីឆ្នាំ២០១៦ ពាក់ស្លាកលេខ ភ្នំពេញ ១GC.០០១២។
ដោយឡែកនៅភូមិកំពង់ចម្លង មាន៣ទីតាំង÷
១-ផ្ទះឈ្មោះ សុង ធី ភេទប្រុស អាយុ៤៨ឆ្នាំ ជនជាតិវៀតណាម
-ដកហូត ម៉ាស់=៧០កេស
២-ឈ្មោះ ង្វៀង ធីថាំង ភេទស្រី អាយុ៥៧ឆ្នាំ ជនជាតិវៀតណាម
-ដកហូត ម៉ាស់=២០កេស
៣-ឈ្មោះ លី ណារិទ្ធ ភេទប្រុស អាយុ៥៣ឆ្នាំ ជនជាតិវៀតណាម
-ដកហូត ម៉ាស់=២២កេស។
សរុបលទ្ធផលធ្វើការដកហូតវត្ថុតាងទាំង10ទីតាំងរួមមាន÷
-អាកុលចំនួន144,5កាន និង468ដបចំណុះ500ml។ និងម៉ាស់ចំនួន396កេស និង2828ប្រអប់។ចំពោះវត្ថុតាងទាំងអស់យកទៅរក្សាទុកនៅសាលាស្រុកលើកដែកដើម្បីបន្តនីតិវិធី។
បើតាមអាជ្ញាធរសមត្ថកិច្ចបានបញ្ជាក់ប្រាប់អ្នកសារព៌តមានថា វត្ថុតាងដែលដកហូតនេះយកទៅរក្សាទុកនៅសាលាស្រុកលើកដែកបណ្តោះអាសន្ន តែសម្រាប់ម៉ាស់បើម្ចាស់មានឯកសារបង់ពន្ធត្រឹមត្រូវស្របតាមច្បាប់យើងនឹងប្រគល់ជូនម្ចាស់វិញ។
ចំណែកអាកុលដាច់ខាតមិនប្រគល់អោយទេ ហើយនឹងយកទៅពិនិត្យនៅឡាបូរបន្ត បើសិនរកមានសារធាតុគីមីពិតមែនម្ចាស់ត្រូវទទួលខុសត្រូវចំពោះមុខច្បាប់៕
