ខេត្តបន្ទាយមានជ័យ ៖ នៅវេលាម៉ោង ១០ ព្រឹក ថ្ងៃទី១១ កក្កដា ឆ្នាំ ២០២១ នៅចំណុចត្រួតពិនិត្យទប់ស្កាត់ប្រជាពលរដ្ឋលួចឆ្លងដែនខុសច្បាប់មុខប៉ុស្តិ៍ ស្ថិតនៅភូមិសិលាខ្មែរ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ កម្លាំងយោធាជួរមុខដឹកនាំដោយ លោកវរៈសេនីយ៍ត្រី ប៉ាក់ សារ៉ាត់ នាយប៉ុស្តិ៍ សហការជាមួយកម្លាំងយោធាចុះល្បាតតាមព្រំដែន ធ្វើការឃាត់ខ្លួនជនជាតិថៃ ប្រុស ស្រី២នាក់ លួចឆ្លងដែនចូលមកស្រុកខ្មែរដោយជិះម៉ូតូឌុបបម្រុងចូលមកធ្វើការនៅក្រុងប៉ោយប៉ែត និងដកហូតវត្ថុតាង រួមមានម៉ូតូចំនួន១គ្រឿង។
ចំណែកម្ចាស់ម៉ូតូឌុប ឃើញសភាពការណ៍មិនស្រួលក៏បានរត់គេចខ្លួនចាត់ស្រមោល ។ ហេតុការណ៏នេះបានកើតទ្បើងនៅវេលាម៉ោង ១០ ព្រឹក ថ្ងៃទី ១១ កក្កដា ឆ្នាំ ២០២១ នៅចំណុចត្រួតពិនិត្យទប់ស្កាត់ប្រជាពលរដ្ឋលួចឆ្លងដែនខុសច្បាប់មុខប៉ុស្តិ៍ ស្ថិតនៅភូមិសិលាខ្មែរ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។
លោក វរៈសេនីយ៍ត្រី ប៉ាក់ សារ៉ាត់បានបញ្ជាក់ឲ្យដឹងបន្តទៀតថាជនជាតិថៃដែលកំលាំងចំរុះឃាត់ខ្លួនបានទី១/ឈ្មោៈ ណាធី ហុងវៀងចាន់ ភេទ ប្រុស អាយុ ២៧ ឆ្នាំ ២/ឈ្មោៈ ចុងវ៉ាន់ វ៉ាន់ណាវ៉ាត់ ភេទ ស្រី អាយុ ១៨ ឆ្នាំ រស់នៅខេត្តស្រះកែវ។ លោក បានក៏បញ្ជាក់ដែរថា តាមការសាកសួររបស់សមត្ថកិច្ច ជនជាតិថៃទាំង២នាក់លួចឆ្លងដែនដោយខុសច្បាប់ ចូលមកប្រទេសកម្ពុជាដើម្បីទៅក្រុងប៉ោយប៉ែត។ចំណែកម៉ូតូដែលត្រូវបានដកហូតម៉ាក យ៉ាម៉ាហា ពណ៌ ខៀវ សេរី ចាស់ គ្មានស្លាកលេខ ។
ក្រោយពីសួនាំរួចរាល់ហើយ ដោយទទួលតាមបទបញ្ជាពីលោកមេបញ្ជាការយោធាជួរមុខជនជាតិថៃទាំង២នាក់បានធ្វើការប្រគល់ជូនក្រុមចម្រុះស្នាក់ការត្រួតពិនិត្យសុខភាពច្រកអូរបីជាន់និងចាត់ការទៅតាមនិតិវិធីច្បាប់ផងដែរ៕
\
