ខេត្តព្រះវិហារ ៖ នៅព្រឹកថ្ងៃទី៣០ ខែមិថុនា ឆ្នាំ២០២១ ឯកឧត្តម ច័ន្ទ លំផាត់ អនុប្រធានគណៈកម្មាធិការជាតិគ្រប់គ្រងគ្រោះមហន្តរាយ តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍បណ្ឌិត គន់ គីម ទេសរដ្ឋមន្ត្រីទទួលបន្ទុកបេសកកម្មពិសេស អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ និងប្រតិភូអមដំណើរ បានអញ្ជើញជាអធិបតីក្នុងពិធីប្រគល់ឧបករណ៍សម្ភារៈសម្រាប់បំពាក់ដល់កម្លាំងក្រុមប្រតិបត្តិការរុករក និងសង្គ្រោះគ្រោះមហន្តរាយ «លេខ៧២១» របស់កងពលធំលេខ៣ អំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា តាមរយៈគណៈកម្មាធិការជាតិគ្រប់គ្រងគ្រោះមហន្តរាយក្រសួងការពារជាតិ។ ក្រោមកិច្ចទទួលស្វាគមន៍ពីសំណាក់ឯកឧត្តម ឧត្តមសេនីយ៍ឯក ស្រី ឌឹក មេបញ្ជាការរងកងទ័ពជើងគោក មេបញ្ជាការកងពលធំអន្តរាគមន៍លេខ៣ ឯកឧត្តមមេបញ្ជាការរង និងឯកឧត្តមមេបញ្ជាការកងពលតូចអន្តរាគមន៍ទាំងបីចំណុះ។
សូមបញ្ជាក់ថា ៖ ឧបករណ៍សម្ភារៈប្រតិបត្តិការរុករក និងសង្គ្រោះគ្រោះមហន្តរាយ ដែលក្រុមប្រតិបត្តិការរុករក និងសង្គ្រោះគ្រោះមហន្តរាយលេខ៧២១ របស់កងពលធំអន្តរាគមន៍លេខ៣ប្រចាំទិសទី១ប្រាសាទព្រះវិហារ ទទួលបានរួមមាន៖ ១/ឯកសណ្តាន ៣៦០ឈុត, ២/មួកសុវត្ថិភាព ១២០សម្រាប់, ៣/ពិលដៃ ១២០គ្រឿង, ៤/ពិលសំរាប់មួកសុវត្ថិភាព ១២០គ្រឿង, ៥/មួក គ.ជ.គ.ម ១២០សម្រាប់, ៦/អាវយឺតហ្វិកហ្វឺន ១២០កំប្លេ, ៧/អាឡូដាក់សំភារៈ ១២០សម្រាប់, ៨/ទូកស្មាច់ និងម៉ាស៊ីន ១០គ្រឿង, ៩/អាវពោងសុវត្ថិភាព ២០០អាវ, ១០/ម៉ាស៊ីនភ្លើងចល័ត ២គ្រឿង, ១១/តង់ចល័តសម្រាប់ប្រជាជន (៤ម×៦ម) ២០សម្រាប់, ១២/ម៉ាស៊ីនបូមទឹក HONDA ទំហំ៨ហ៊ុន ២០គ្រឿង, ១៣/ទុយោម៉ាស៊ីនបូមទឹក (០.៨×៥០ម) ៤០ឈុត, ១៤/ខ្សែពួរ ១០០០ម៉ែត្រ, ១៥/វិទ្យុទាក់ទង ២គ្រឿង៕
