រាជធានីភ្នំពេញ ៖ នៅថ្ងៃនេះ រដ្ឋសភាជាតិបានបោះឆ្នោតគាំទ្រនិងផ្តល់សេចក្តីទុកចិត្តលើបេក្ខភាពលោក ប្រាជ្ញ ចន្ទ ដោយសម្លេងភាគច្រើនដើម្បីទទួលតំណែងជាប្រធានគណកម្មាធិការរៀបចំការបោះឆ្នោតជាតិ ជំនួសលោក ស៊ិក ប៊ុនហុក ដែលបានសុំលាលែងដោយបញ្ហាសុខភាព ។
លោក ប្រាជ្ញ ចន្ទ ជាអតីតមន្ត្រីជាន់ខ្ពស់ក្រសួងមហាផ្ទៃ និងជាអតីតអភិបាលខេត្តបាត់តំបង និងខេត្តត្បូងឃ្មុំ ។ មុនទ្បើងកាន់តំណែងជាប្រធានគណកម្មាធិការរៀបចំការបោះឆ្នោត លោកប្រាជ្ញ ចន្ទ ជាតំណាងរាស្ត្រនិងជាប្រធានគណកម្មការទី១នៃរដ្ឋសភាផងដែរ ៕
