កំពង់ធំ ៖ អាជីវករនៅផ្សាតាំងគោកសព្វថ្ងៃនេះ កំពុងតែបំពានផ្លូវ ដោយយកគ្រែដាក់ឥវាន់ ដូចជាខោអាវផ្លែឈើ ដែលរបស់របរផ្សេង។ទៀត ដាក់លក់នៅលើផ្លូវថ្នល់យ៉ាងច្រើនតែអាជ្ញាធរមើលមិនឃើញ ។
ផ្លូវថ្នល់ដែលអាជីវករយកសំភារៈដាក់លក់នេះ គឺនៅប៉ែកខាងជើផ្សារផ្លូវនេះ កាលពីពេលមុន មានទទឹងប្រាំមួយម៉ែត្រហើយជាផ្លូវសេដ្ឋកិច្ច មានរថយន្តតូចធំបើកបរចេញចូលកាត់ពីផ្លូវជាតិលេខ 6 ឆ្ពោះទៅកាន់ ស្រុកចំកាលើខេត្តកំពង់ចាម ។ ជារៀងរាលថ្ងៃ អ្នកធ្វើដំណើរទាំងម៉ូតូកង់នឹងរថយន្តផ្សេងតែងតែធ្វើការិះគន់ដោយខឹងសម្បាជាមួយជាមួយអ្នកលក់លើថ្នល់ចាក់កៅស៊ូ ដោយធ្វើឲ្យមានមានការាំងស្ទះ យីតដំណើរ ដោយទើសទែងនឹងគ្រែអ្នកលក់នេះតែម្ដង ។ហើយមានពេលខ្លះទៀត រថយន្តធំៗអាចបើកប៉ះនឹងឆ័ក្ររបស់អ្នកលក់ធ្វើឲ្យដួលឆ័ត្រ ប៉ះពាល់ដល់សំភារះផ្សេងៗ ហើយអាចមានការទាស់ទែង ជេរបញ្ចោគ្នា ។
ប្រជាពលរដ្ឋរិៈគន់ដល់អ្នកលក់ទំនិញផ្សេងៗថា បើលក់តាមកញ្ជ្រែងកញ្ជើរបន្តិបន្តួច មួយម៉ោងពីរម៉ោងទៅផ្ទះ គឺគ្មានបញ្ហាអ្វីទេ តែផ្ទុយទៅវិញគឺដាក់គ្រែលក់យ៉ាងរំភើយ ពីព្រលឹមទល់ព្រលប់តែម្ដង ដោយការចង្អុលពីអ្នកទារភាស៊ី នឹងបញ្ជារឲ្យដាក់លក់ ដើម្បីឲ្យមានចំណូលចូលច្រើន ។ ឥឡូវនេះ កាន់តែហៀរមកខាងជើងផ្សារច្រើនឡើង ធ្វើឲ្យផ្លូវថ្នល់រួមតូចចង្អៀតនៅសល់ទទឹង ប្រហែលតែពីម៉ែត្រតែប៉ុណ្ណោះ ។ តែសម្រាប់នៅក្នុងបរិវេណផ្សារវិញ គឺនៅធំទូលាយ គ្មានអ្នកចូលទៅលក់ហើយសព្វថ្ងៃ អាជីវករលក់នៅក្នុងផ្សារកំពុងតែសាងសង់ សំណង់ធ្វើពីដែកចាក់សោរមើលទៅ ដូចជាផ្ទះកម្មសិទ្ធិរបស់បុគ្គលម្នាក់ៗ ។
ប្រជាពល់រដ្ឋនឹងអ្នកធ្វើដំណើរឆ្លងកាត់នៅលើកំណាត់ផ្លូវថ្នល់នៅខាងជើងផ្សាតាំគោកនេះបានសុំធ្វើសំណូមពរឲ្យដល់អាជ្ញាធរដែនដី ជួយរៀបចំសណ្ដាបធ្នាប់នៅកន្លែងខាងជើង ផ្សារឲ្យបានស្រួលឡើងវិញ ចៀសវាងថ្ងៃក្រោយទៅ អ្នកលក់អាចលក់បិទផ្លូវ ធ្វើឲ្យមានទំនាស់រឿងតូចទៅធំ ព្រោះសព្វថ្ងៃ អ្នកទារភាស៊ីមានការឃុបឃិតគ្នាជាមួយអាជ្ញាធរមូលដ្ឋាន ហើយក៏គ្មានការទប់ស្កាត់ឡើយ ។
មានអ្នកខ្លះនិយាយផាឌឺឲ្យអភិបាលស្រុកបារាយណ៍ថា អ្នកលក់ដូរនៅលើថ្នល់ អើយគួរបើកផ្លូវឲ្យលោកអភិបាលស្រុក បើករថយន្តចេញចូលទៅផ្ទះឲ្យបានទូលាយផង ព្រោះផ្ទះលោកអភិបាលស្រុក នៅក្បែរផ្សារនេះដែរ ៕
