ខេត្តសៀមរាប ៖ យោងពីប្រភពព័ត៌មានមួយបានឲ្យដឹងថា នៅវេលារសៀល ថ្ងៃទី៣១ ខែឧសភា មានករណីជនមិនស្គាល់អត្តសញ្ញាណមួយក្រុម បានធ្វើសកម្មភាពលួចអារឈើគ្រញូងមួយដើម នៅត្រង់ចំណុចខាងត្បូងភ្នំបាក់ខែង ស្ថិតក្នុងភូមិត្រពាំងសេះ សង្កាត់គោកចក ក្រុងសៀមរាប ខេត្តសៀមរាប ។
តាមក្រុមជំនាញបានឲ្យដឹងថា ឈើគ្រញូងខាងលើ មានមុខកាត់ទំហំ០,២០ម៉ែត្រគុណនឹងមួយម៉ែត្រ ចំនួនមួយដុំ , ០,២០ម៉ែត្រ គុណនឹង០,៥០ម៉ែត្រ ចំនួនមួយដុំ និង០,១០ម៉ែត្រគុណនឹង១,៥០ ម៉ែត្រមួយដុំ ។ពួកគេបានធ្វើសកម្មភាព រួចហើយគេចខ្លួនបាត់បន្សស់ទុកតែវត្ថុតាងនៅកន្លែងកើតហេតុ។
មន្រី្តឧទ្យានុរក្សប្រចាំតំបន់អង្គរកំពុងបើកការស្រាវជ្រាវ ស្វែងរកមុខជនសង្ស័យ ដើម្បីកសាងសំណុំរឿងនិងបាន យកដើមគ្រញូងមករក្សាទុកនៅទីស្នាក់ការ តំបន់ការពារទេសភាពអង្គរ ៕
