អន្តរជាតិ ៖ អង្គការសុខភាពពិភពលោក (WHO) បានប្រកាសដាក់ឈ្មោះថ្មីសម្រាប់វីរុសបំប្លែងខ្លួនកូវីដ-១៩ ដោយចាប់ពីពេលនេះទៅនឹងប្រើតួអក្សរក្រិកដែលសំដៅលើវីរុសបំប្លែងខ្លួនថ្មីរកឃើញដំបូងនៅក្នុងប្រទេសនានាដូចជា ចក្រភពអង់គ្លេស អាហ្វ្រិកខាងត្បូង និងឥណ្ឌា។
ឧទាហរណ៍ ៖ វីរុសបំប្លែងខ្លួនចក្រភពអង់គ្លេសដាក់ឈ្មោះ Alpha, វីរុសបំប្លែងខ្លួនអាហ្វ្រិកខាងត្បូងដាក់ឈ្មោះ Beta និងវីរុសបំប្លែងខ្លួនឥណ្ឌាដាក់ឈ្មោះ Delta ។ WHO បាននិយាយថា ការដាក់ឈ្មោះបែបនេះដើម្បីឲ្យភាពងាយស្រួលក្នុងការពិភាក្សា ប៉ុន្តែដើម្បីជួយលុបបំបាត់ទុទិដ្ឋិនិយមដែលអាចកើតចេញពីឈ្មោះទាំងនោះ ៕
