ខេត្តកំពត ៖ កាលពី រសៀល ថ្ងៃទី២២ ខែ ឧសភា ឆ្នាំ២០២១ វេលាម៉ោង១៤និង០០នាទី លើផ្លូវជាតិលេខ៣ ចន្លោះ បង្គោលគីឡូម៉ែត្រលេខ១០៥-១០៦ ស្ថិតនៅភូមិដំណាក់ទ្រព្យខាងត្បូង ឃុំក្រាំងស្នាយ ស្រុកឈូក ខេត្តកំពត មានករណីគ្រោះថ្នាក់ចរាចរណ៏យុវជនម្នាក់ស្លាប់បាត់បង់ជីវិតយ៉ាងរន្ធត់ក្នុងករណីហេតុការណ៍គ្រេះថ្នាក់ចរាចរណ៍មួយដោយបើកបរម៉ូតូទៅបុករថយន្តកំពុងចតពីក្រោយ បណ្តាលឲ្យយុវជនម្នាក់ស្លាប់បាត់បង់ជីវិតយ៉ាងរន្ធត់ក្នុងករណីហេតុការណ៍គ្រេះថ្នាក់ចរាចរណ៍មួយដោយបើកបរម៉ូតូទៅបុករថយន្តកំពុងចតពីក្រោយ ។
ប្រភពពីប្រជាពលរដ្ឋនៅកន្លែងកើតហេតុបានឲ្យដឹងថា មុនពេលកើតហេតុគេឃើញអ្នកបើកបរម៉ូតូជិះពីកើតទៅលិច ពេលមកដល់ចំណុច កើតហេតុម៉ូតូក៍បុករថយន្តមួយគ្រឿង ម៉ាកហាន់ដាយ ចំណុះ១តោន ពណ៌ស ពាក់ស្លាកលេខ កោះកុង2A-0140 ឈប់នៅលើផ្លូវចំពីក្រោយពេញទំហឹងក្នុងស្ថានភាពមេឃកំពុងភ្លៀង ធ្វើឲ្យអ្នកបើកបរម៉ូតូស្លាប់បាត់បង់អាយុជីវិតនៅនឹងកន្លែងកើតហេតុយ៉ាងរន្ធត់។
ក្នុងករណីគ្រោះថ្នាក់ចរាចរណ៍ខាងលើនេះ សមត្ថកិច្ចបានឲ្យដឹងថា អ្នកបើកបរម៉ូតូដែលស្លាប់បាត់បង់ជីវិតឈ្មោះ ទឹម បូរ៉ា ភេទប្រុស អាយុ ១៧ឆ្នាំ មានទីលំនៅភូមិ ឃុំ កើតហេតុខាងលើ ជិះម៉ូតូម៉ាកC125 ពណ៌ខ្មៅ ពាក់ស្លាកលេខ កំពត1N-0305 ចំណែកម៉ូតូ ខូចខាតធ្ងន់ ។
វត្ថុតាងយកមករក្សាទុក នៅអធិការដ្ឋាននគរបាលស្រុកឈូក រងចាំការដោះស្រាយតាមនីតិវិធី ចំណែកសាកសពប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕
