អាពាហ៍ពិពាហ៍ជាពេលវេលាដែលមនុស្សគ្រប់រូបសប្បាយរីករាយបំផុត ប៉ុន្តែសម្រាប់អាពាហ៍ពិពាហ៍គូស្នេហ៍មួយគូនៅសហរដ្ឋអាមេរិក បែរជាធ្វើឲ្យមនុស្សគេរំជួលចិត្តស្ទើរស្រក់ទឹកភ្នែក ព្រោះកូនកំលោះជាមនុស្សមានជំងឺមហារីកជាប់ខ្លួនយ៉ាងធ្ងន់ធ្ងរ។
1
លោក Keith Borum ជាកូនកំលោះដែលមានជំងឺមហារីកដំណាក់កាលចុងក្រោយ កំពុងសម្រាកនៅក្នុងមន្ទីរពេទ្យ Good Samaritan ក្រុងញូវយ៉ក និងរង់ចាំតែថ្ងៃស្លាប់ប៉ុណ្ណោះ។ ចំណែកកូនក្រមុំដ៏ស្មោះស្ម័គ្រមានឈ្មោះ Nina Scott កំពុងរស់នៅតំបន់ Lake Ronkonkoma ក្រុងញីវយ៉ក។
ចំណងស្នេហ៍ពួកគេទាំងពីរនាក់ បានចាប់ផ្ដើមរីកលូតលាស់ឡើងអស់រយៈពេល ៣ឆ្នាំមកហើយ ប៉ុន្តែព្រហ្មលិខិតហាក់មិនប្រណីចំពោះបុរសជាសង្សារ។ លោក Borum បានជម្នះជាមួយជំងឺមហារីកនេះអស់រយៈពេល ១៨ខែ ប៉ុន្តែកាលពីពេលថ្មីៗនេះវេជ្ជបណ្ឌិតបានប្រាប់ថា ជំងឺរបស់លោកឈានដល់ដំណាក់កាលចុងក្រោយហើយ។
ទោះយ៉ាងណាក៏ពួកគេមិនចុះចាញ់វាសនា និងសម្រេចចិត្តរៀបការទាំងបុរសជាគូស្នេហ៍នៅដេកលើគ្រែក្រោកពុំរួច។ អំឡុងពេលសម្រាកនៅក្នុងមន្ទីរពេទ្យ លោក Borum បាននិយាយប្រាប់បុគ្គលិកនៅទីនោះថា ចង់សន្សំប្រាក់ខ្លះទុកទិញចិញ្ចៀនសុំមិត្តស្រីរៀបការ។
ដោយក្ដីរំភើបអាណិត ក្រុមគិលានុបដ្ឋាកនៅក្នុងមន្ទីរពេទ្យ បានរៃអង្គាសប្រាក់គ្នាដើម្បីទិញចិញ្ចៀនមួយតម្លៃ ៤០០ដុល្លារ។ ចំណែកប្រជាជននៅក្នុងតំបន់នោះ បានបរិច្ចាគបាច់ផ្កា និងនំខេក និងបាច់ផ្កា ព្រមទាំងជួយរៀបចំពិធី។
