ខេត្តកោះកុង ៖ ប្រជាពលរដ្ឋរស់នៅក្នុងភូមិជីត្រិះ ឃុំអណ្តូងទឹក ស្រុកបូទុមសាគរ ខេត្តកោះកុង ត្រូវក្រុមហ៊ុន ស៊ីណូមិចស៊ីម ដេញប្រជាពលរដ្ឋមិនឱ្យដាំដុះដំណាំស្រូវ ប្រជាពលរដ្ឋនៅភូមិជីត្រិះ ពឹងអាស្រ័យផលស្រូវ បុកដីដាំ ស្រូវ ៨០ភាគរយ ដាំស្រូវ ២០ភាគរយ ធ្វើស្រែ ប្រជាពលរដ្ឋក្នុងភូមិក្រៅពីដាំស្រូវមិនមានអ្វីធ្វើទេ ។
កន្លងមក មានក្រុមហ៊ុនស៊ីណូមិចស៊ីម ហើយយកឈ្មោះក្រុមហ៊ុន ញូញៀន ដឹកនាំដោយឈ្មោះ លី តឹកហៃ មករំលោភបំពានយកដីរបស់ពួកគាត់ ក្នុងនោះលោកមេឃុំអណ្តូងទឹកឈ្មោះលោក ហ៊ី តាន់ បានបញ្ជាក់ ប្រាប់ប្រជា ពលរដ្ឋថា ទុកដីចំនួនមួយពាន់ហិកតា ទុកសម្រាប់ឱ្យប្រជាពលរដ្ឋបង្កបង្កើនផល និងទុកឱ្យ ក្មេងជំនាន់ក្រោយទៀត សម្រាប់ប្រជាពលរដ្ឋទាំងអស់គ្នា នៅថ្ងៃទី ៦ ខែឧសភា ឆ្នាំ២០១៤ ឈ្មោះ លី តឹកហៃ ដឹកនាំកម្លាំងទាហានមួយឡានវីហ្គូ ចំនួន ៨នាក់ មកដេញប្រជាពលរដ្ឋដែលដាំស្រូវ មិនឱ្យដាំថា ជាដីរបស់ ក្រុមហ៊ុន ដីនោះទំនាស់ជាមួយប្រជាពលរដ្ឋតាំងពីថ្ងៃទី ១ ខែតុលា ឆ្នាំ២០១៣ មកម្ល៉េះ ក្រោយមកទៀតមាន លោកអភិបាលរងស្រុកឈ្មោះ សួន ស៊ីថា ចុះមកដោះស្រាយពុំមានលទ្ធផលបន្តិចសោះ ក្រោយមកទៀតមានលោក អភិបាលរងខេត្តលោក ស៊ុន ដារ៉ា ចុះមកប្រជុំជាមួយប្រជាពលរដ្ឋក្នុងភូមិជីត្រិះ ក្នុងនោះមានលោកអភិបាលរង ស្រុក លោកមេឃុំអណ្តូងទឹក មន្ត្រីសុរិយោដីស្រុក បរិស្ថានស្រុក មេភូមិ អនុភូមិ និងទាហានស្រុក អធិការរងស្រុក ចូលរួមទាំងអស់ ។
ក្រោយមកលោកអភិបាលរងខេត្តលោក ស៊ុន ដារ៉ា សន្យាជាមួយប្រជាពលរដ្ឋ និងចុះមកវាស់វែងដីធ្លីជូន ពួកគាត់ លោកអភិបាលបានប្រាប់ប្រជាពលរដ្ឋថា បង្កើតជាក្រុម មានបីក្រុម វាស់វែងបាន ៤គ្រួសារ ក្នុងការវាស់ វែងនោះក៏មានលោកអភិបាលរងខេត្តចូលរួមដែរ ក្នុងនោះធ្វើឱ្យប្រជាពលរដ្ឋត្រេកអរជាខ្លាំងរកអ្វីប្រៀបពុំបានទេ ពួកគាត់អរណាស់ ពីព្រោះបានវាស់វែងដីជូនគាត់ ។ ពួកគាត់ខំបោះបង្គោលខំធ្វើព្រំដីមិនខ្លាចហត់នឿយឡើយ ក្នុងនោះក៏មានមេការចិនលោក លី តឹកហៃ ហៅតាលី ដែលក្រុមហ៊ុនស៊ីណូមិចស៊ីម យកធ្វើជាខែលមុខឱ្យក្រុមហ៊ុន ស៊ីណូមិចស៊ីមថា ជាដីក្រុមហ៊ុនញូញៀនទាំងអស់ មិនដែលឃើញថៅកែក្រុមហ៊ុនស៊ីណូមិចស៊ីម មុខមាត់យ៉ាងម៉េចទេ ឃើញតែតាលីទេ ចុះរំលោភបំពានលើដីប្រជាពលរដ្ឋ ។
ចំណែកលោកអភិបាលរងខេត្តលោក ស៊ុន ដារ៉ា ចុះមកបីថ្ងៃជាប់គ្នាស្រាប់តែបាត់ដំណឹងឈឹង ធ្វើឱ្យប្រជា ពលរដ្ឋរង់ចាំមើលផ្លូវដូចចាំម៉ែមកពីផ្សារ ចាំរហូត ចាំរាប់ខែ មិនដែលឃើញអាជ្ញាធរណាមកសោះ ហើយបានប្រាប់ ប្រជាពលរដ្ឋថា ចាំជួបថ្នាក់លើសិន ចំណែកលោកអភិបាលស្រុកលោក អន ភារៈ មិនដែលចេញមុខមកជួបប្រជា ពលរដ្ឋម្តងណាទេ ។ ចំណែកអភិបាលរងស្រុកលោក សួន ស៊ីថា ត្រូវរងការចោទប្រកាន់ពីប្រជាពលរដ្ឋថា និយាយ ដាក់ប្រជាពលរដ្ឋប្រើពាក្យសម្តីមិនសមរម្យ ដាក់ប្រជាពលរដ្ឋ និងលោកមេភូមិ ចំណែកលោកអភិបាលរង ខេត្តលោក ស៊ុន ដារ៉ា ប្រជាពលរដ្ឋប្រាប់អ្នកសារព័ត៌មាន ថា លោកអភិបាលរងខេត្តនិយាយកុហកប្រជាពលរដ្ឋជាច្រើនដងមកហើយ ហើយមិនដែលឃើញលោកអភិបាល ដោះស្រាយទំនាស់ដីធ្លីចេញនៅកន្លែងណាម្តងនៅឡើយទេ ។
ប្រជាពលរដ្ឋថា ប្រហែលជាត្រូវថ្នាំពុល ឬថ្នាំសណ្តំពីក្រុមហ៊ុនស៊ីណូមិចស៊ីម ហើយបានជាមិនមកដោះ ស្រាយឱ្យពួកគាត់ក្នុងភូមិជីត្រិះទាំងមូល ចំណែកឃុំតានួន ស្រុកបូទុមសាគរ លោកអភិបាលរងខេត្ត មិនដែលដោះ ស្រាយរកដីស្រែជូនពួកគាត់ឡើយ ដែលក្រុមហ៊ុនញូញៀន បំពានលើដីស្រែរបស់ពួកគាត់ ពួកគាត់សុទ្ធតែអត់ដីស្រែ ធ្វើស្រែក្នុងឃុំតានូន ពួកគាត់សុំឱ្យសម្តេចតេជោ និងលោកជំទាវជួយអន្តរាគមន៍ ។/ ដោយ ៖ យួន ឈីវ
វត្តគីរីគង្គាអត់មានព្រះសង្ឃគង់ចាំព្រះវស្សា ៤ឆ្នាំមកហើយ
ខេត្តកោះកុង ៖ វត្តនេះស្ថិតនៅភូមិព្រែកស្មាច់ ឃុំកោះស្តេច ស្រុកគីរីសាគរ ខេត្តកោះកុង ចាប់តាំងពីមុនមក មានតែសាលាឆទានមួយខ្នងប៉ុណ្ណោះ ក្រោយមកទៀតក៏ចាប់ផ្តើមកសាងវត្តគីរីគង្គានោះ នៅឆ្នាំខាល ថ្ងៃទី ១ ខែ១ ព.ស ២៥២៤ គ.ស ១៩៩៨ កសាងសាលាឆាន់សង់ពីឈើ ក្រោយមកកសាងបន្ត បន្ទាប់ហើយកសាងបានព្រះវិហារ ១ខ្នង ព្រះចៅអធិការឈ្មោះ កែវ មឿន ព្រះជន្ម ៥៦ព្រះវស្សា និងលោកតាអាចារ្យឈ្មោះ ប្រាក់ ផន និងប្រជាពលរដ្ឋចំណុះជើងវត្តទាំងអស់គ្នា និងម្ចាស់អ្នកកសាងឈ្មោះ សៀង លឹក និងភរិយារបស់គាត់ និងក្រុមគ្រួសាររបស់គាត់ទាំងមូល រួមគ្នាធ្វើបានព្រះវិហារមួយ សរុបអស់ទឹកប្រាក់ចំនួន ១៩.៥០០០ដុល្លារ (ដប់ប្រាំបួនម៉ឺនប្រាំពាន់ដុល្លារអាមេរិក)។
ក្នុងនោះ មានព្រះពុទ្ធរូបថ្មកែវមួយអង្គធំ អស់ទឹកប្រាក់មួយម៉ឺនដុល្លារអាមេរិក ហើយធ្វើដងទង់ពីដើម អស់ទឹកប្រាក់ មួយម៉ឺនដុល្លារអាមេរិកទៀត ឥឡុវនេះនៅសល់ប្រជាពលរដ្ឋតែ ១៩គ្រួសារទេ រស់នៅជិតវត្តអត់មាន ព្រះសង្ឃ ចំណែកប្រជាពលរដ្ឋជាងមួយរយគ្រួសារទៀត ត្រូវបានក្រុមហ៊ុនញូញៀនបំពានយកដីរបស់ពួកគាត់ដេញ ឱ្យពួកគាត់ចេញពីលំនៅដ្ឋានហើយឱ្យរស់នៅឆ្ងាយពីវត្ត ដោះដូរមិនពេញតម្លៃហើយដេញមិនឱ្យនៅជិតវត្តទេ ហើយប្រាប់ប្រជាពលរដ្ឋនៅជិតវត្តថា និងដោះដូរវត្តមកខាងលើវិញ រុះវត្តចាស់ចេញធ្វើវត្តថ្មីវិញ ។
ប្រជាពលរដ្ឋប្រាប់អ្នកសារព័ត៌មានថា ពួកគាត់ទាំង ១៩គ្រួសារ សុខចិត្តស្លាប់នៅជិតវត្ត គាត់មិនទៅណាទេ ហើយពួគគាត់ប្រាប់ថា សុំឱ្យអស់លោកខាងលើមើលផង ហើយគាត់សុំឱ្យចៅហ្វាយខេត្ត ចុះមកមើលផង វត្តអត់មានព្រះសង្ឃគង់នៅប្រជាពលរដ្ឋទាំងអស់គ្នាសុំសំណូមពរដល់ សម្តេចទាំងបី ជាប្រមុខដឹកនាំប្រទេស ជួយពួកគាត់ឱ្យបានដាក់ព្រះសង្ឃគង់ចាំព្រះវស្សា សម្រាប់ប្រតិបត្តិធម៌ ក្នុងវត្តជាសាសនាដ៏ល្អដែលប្រជាពលរដ្ឋ គ្រប់រូបតែងតែ គោរពប្រតិបត្តិ ហើយក៏ជាសាសនារបស់ជាតិផងដែរ ។/ ដោយ ៖ យួន ឈីវ
