ហោចណាស់មានរថយន្តពីរគ្រឿងបានបុកគ្នា នឹងអ្នកជិះម៉ូតូម្នាក់ បានស្លាប់ភ្លាមៗ ក្នុងឧប្បត្តិហេតុគ្រោះថ្នាក់ចរាចណ៏មួយដែលបានកើត ឡើងកាលពីវេលាម៉ោងជាង១៨យប់ថ្ងៃទី១២ កក្ដដា ឆ្នាំ២០១៥ នៅលើកំ ណាត់ផ្លូវជាតិលេខ៦ ក្នុងភូមិកំពង់ធំ សង្កាត់កំពង់រទេះ ក្រុងស្ទឹងសែន ខេត្តកំពង់ធំ ។
ទាក់ទិនករណីគ្រោះថ្នាក់ចរាចណ៏ខាងលើនេះ នគរបាលចរាចណ៏ ក្រុងស្ទឹងសែន បានឲ្យដឹងថា នៅវេលាម៉ោងជាង៦ល្ងាច ថ្ងៃទី១២ កក្ដដា ឆ្នាំ២០១៥ មានគ្រោះថ្នាក់ចរាចណ៏មួយបានកើតឡើង ដោយសារតែមាន រថយន្តម៉ាកលុចស៊ីស ពណ៌ស្ករ មួយគ្រឿង បានបុកគ្នាជាមួយរថយន្តម៉ាក តាកូម៉ា រួចវេចង្កូតទៅបុកម៉ូតូស្កុបពីមួយគ្រឿងដែលធ្វើដំណើរបញ្ច្រាស់ ទិសគ្នា នឹងបណ្ដាលឲ្យអ្នកជិះម៉ូតូស្លាប់ភ្លាមៗ ។
សមត្ថកិច្ចជំនាញបានបន្តថា យោងតាមការបំភ្លឺរបស់សាក្សីបាន ឃើញហេតុការណ៏បានឲ្យដឹងថា មុនពេលកើតហេតុគេបានឃើញរថយន្ត ម៉ាកលុចស៊ីពណ៌ស្ករ បើកបរដោយបុរសម្នាក់ទំនងជាអ្នករាជការ ធ្វើដំ ណើរពីត្បូងទៅជើង ក្រោយមកដល់កន្លែងកើតហេតុជាផ្លូវអក្សតេ ស្រាប់ តែមានរថយន្តម៉ាកតាកូម៉ាពណ៌ស្ករមួយគ្រឿង បើកចេញមកពីក្នុងភូមិ បំរុងបត់ស្ដាំ ជាហេតុធ្វើឲ្យរថយន្តលុចស៊ីសបុករថយន្តតាកូម៉ា រួចវេចង្កូតទៅបុកម៉ូតូស្កុបពី ដែលបើករបដោយបុរសចំណាស់ឈ្មោះ ឈាង ហ៊ីន អាយុ៦០ឆ្នាំ នៅភូមិទី៤ សង្កាត់កំពង់ធំ ក្រុងស្ទឹងសែន ដែលធ្វើដំណើរបញ្ច្រាស់គ្នាបណ្ដាលឲ្យអ្នក បើកម៉ូតូស្លាប់ភ្លាមៗ ។ សាក្សី បន្តថា ក្រោយកើតហេតុគេឃើញម្ចាស់ រថយន្តលុចស៊ីសបើកទ្វារត់ ក្នុងសភាពទ្រេតឌ្រោធដូចអ្នកស្រវឹងជោគជំា ទើបគេស្គាល់ច្បាស់ថាជា លោក នាគ ឆវ័ន្ត ជាប្រធានពន្ធនាគារខេត្តកំពង់ធំ ។
ទាក់ទងហេតុការណ៏គ្រោះថ្នាក់ចរាចណ៏ខាងលើនេះ សមត្ថកិច្ចបាន បន្តថា អ្នកបើកបររថយន្តម៉ាកតាកូម៉ាឈ្មោះ ណាម គឹមហ៊ន អាយុ៤៨ឆ្នាំ នៅភូមិកំពង់ក្រប៉ៅ សង្កាតកំពង់ក្រប៉ៅ ក្រុងស្ទឹងសែន ជាកូនប្រសារ អាជីវករលក់គ្រឿងសំណង់ល្បីឈ្មោះ គឺប៉ាង គឹមតុង ។ ដោយឡែកអ្នក បើកបររថយន្តលុចស៊ីសបានរត់គេចខ្លួន។
ជុំវិញករណីខាងលើនេះ បើទោះជាសមត្ថកិច្ចមិនបង្ហាញអត្តសញ្ញា ណ អ្នកបើកបររថយន្តបង្កហេតុក្ដី ប៉ុន្តែមហាជនស្គាល់គ្រប់គ្នាថាជា រថយន្តរបស់លោកនាគ ឆវ័ន្ត ប្រធានគុកខេត្តគំពង់ធំ ។
អ្វីដែលមហាជនកំពុងរងចាំយ៉ាងអន្ទះសារគឺចំណាត់ការផ្លូវច្បាប់របស់លោកព្រះរាជអាជ្ញាអមសាលាដំបូងខេត្ត ព្រោះថា ក្នុងច្បាប់ចរាចណ៏ ផ្លូវគោកថ្មីបានចេញជាធរមាន នឹងបានអនុវត្តរាប់សិបករណីរួចមកហើយ នៅក្នុងខេត្ត ក្នុងករណីបង្កគ្រោះថ្នាក់ស្លាប់ ឬរបួស ដោយចេតនា នឹងអចេ តនា ហើយគេធ្លាប់ឃើញលោកព្រះរាជ្ញាចេញដីការចាប់ខ្លួនអ្នកបើកបរ បង្កគ្រោះថ្នាក់ដាក់គុកច្រើនរាប់មិនអស់ ចុះពេលនេះមហាជនគេស្គាល់ ច្បាស់ហើយអ្នកបើកបរជាប្រធានគុក ហើយបើកបរក្នុស្ថានភាពស្រវឹង ជោគជាំទៀត ដែលសូម្បីនគរបាលតូចតាចក៏និយាយពេញមាត់ ថា អ្នកបើកឡាន គឺជាលោកនាគ ឆវ័ន្ត ប្រធានគុកខេត្ត ប៉ុន្តែមានអន្តរាគមន៏ បានបង្វែឲ្យសមត្ថកិច្ចជំ នាញកែប្ដូឈ្មោះអ្នកបើកបររថយន្តបង្ករជាឈ្មោះ អ្នកផ្សេងវិញ តើប្រព័ន្ធតុលាការ យល់ឃើញយ៉ាងណាទៅវិញ ។
សូមបញ្ជាក់ថា រហូតមកដល់ពេលនេះសមត្ថកិច្ចបានអះអាងថា អ្នក បើកបររថយន្តបង្កហេតុមិនទាន់ទូទាត់សំណងរដ្ឋប្បវេណីដល់ជនរងគ្រោះ នៅឡើយទេ ៕ដោយ សុផាត
