មន្ត្រីជាន់ខ្ពស់ក្នុងជួររដ្ឋាភិបាលមីយ៉ានម៉ាលោកTheinSeinបានសម្រេចមិនចូលរួមនៅក្នុងការបោះឆ្នោតប្រធានាធិបតីដែលត្រូវធ្វើឡើងនៅថ្ងៃទី៨ខែវិច្ឆិកាខាងមុខ។ មន្ត្រីការិយាល័យប្រធានាធិបតីបានបញ្ចាក់ថា «លោកធេនសេនបានសរសេខិខិតមួយច្បាប់ផ្ញើទៅកាន់លោកShwe Mann ប្រធានគណបក្សសមគ្គីនិងអភិវឌ្ឍន៍ USDP ប្រកាសថាលោកមិនចូលរួមនៅក្នុងការបោះឆ្នោតខាងមុខនោះឡើយដោយសារតែបញ្ហាសុខភាព ពេលលោកមានវ័យកាន់តែចាស់ទៅហើយនោះ»។
កន្លងមកលោកក៏ធ្លាប់បានប្រកាសថានិងមិនចូលរួមនៅក្នុងការបោះឆ្នោតនោះដែរ ទុកឲ្យជំនន់ក្រោយឡើងដឹកនាំប្រទេសជាតិ ជួយប្រទេសជាតិឲ្យកាន់តែរីកចំរើនឆ្ពោះទៅមុខ។ ជាមួយគ្នានេះដែរលោកស្រីប្រមុខដឹកនាំបក្សប្រឆាំងបានលើកឡើងនៅក្នុងសន្និសីទកាសែតថា លោកស្រីអាចធ្វើជាប្រធានាធិបតីបានឬក៏អត់វាមិនមែនជារឿងសំខាន់ នោះទេ សំខាន់ឲ្យតែគណបក្សសម្ព័ន្ធជាតិដើម្បីប្រជាធិបតេយ្យបានឈ្នះឆ្នោត។ ក៏ប៉ុន្តែ ក្នុងពេលជាមួយគ្នា លោកស្រីក៏បានអះអាងផងដែរថា ប្រសិនបើឈ្នះឆ្នោត គណបក្សរបស់លោកស្រីនឹងធ្វើវិសោធនកម្មរដ្ឋធម្មនុញ្ញ នៅត្រង់មាត្រាដែលហាមអ្នកមានសាច់ញាតិជាពលរដ្ឋបរទេសមិនឲ្យធ្វើជាប្រធានាធិបតី។
ការបោះឆ្នោតជាតិភូមា ដែលនឹងត្រូវរៀបចំធ្វើ នៅថ្ងៃទី៨ ខែវិច្ឆិកាខាងមុខនេះ គឺជាការបោះឆ្នោតជ្រើសរើសសមាជិកសភា។ ប៉ុន្មានខែក្រោយមកទៀត ទើបសមាជិកសភាដែលកើតចេញពីការបោះឆ្នោតនេះ នឹងធ្វើការបោះឆ្នោតជ្រើសរើសប្រធានាធិបតី។ ក៏ប៉ុន្តែ យោងតាមរដ្ឋធម្មនុញ្ញបច្ចុប្បន្ន ដែលតាក់តែងឡើងដោយអតីតរបបយោធា លោកស្រីអ៊ុង សានស៊ូជីដែលជាមេបក្សប្រឆាំង មិនអាចឈរឈ្មោះជាប្រធានាធិបតីបានទេ ដោយសារតែស្វាមី និងកូនរបស់លោកស្រីមានសញ្ជាតិបរទេស ៕
